Մեկնարկեց մարմնամարզության Հայաստանի առաջնությունը

Օլիմպիական խաղերի եռակի չեմպիոն Ալբերտ Ազարյանի անվան մարզադպրոցում մեկնարկեց մարմնամարզության՝ Հայաստանի մեծահասակների առաջնությունը:

Առաջնությանն ընդհանուր թվով մասնակցում է 50 մարզիկ Երևանի մարզադպրոցներից, Գյումրիից և Էջմիածնից: Աղջիկների պայքարում Հայաստանի չեմպիոնի կոչման համար կմրցի 16, իսկ տղաների` 34 մարզիկ:

Առաջնությունը մեկնարկել է մարտի 12-ին և կեզրափակվի մարտի 15-ին: Առաջնության ավարտին կձևավորվի ընտրանին, որը կնախապատրաստվի տարվա միջազգային մրցաշարերին: