Արթուր Դավթյանը՝ բազմամարտի Հայաստանի չեմպիոն

Ալբերտ Ազարյանի անվան մարզադպրոցում մարտի 12-ին մեկնարկեց սպորտային մարմնամարզության Հայաստանի առաջնությունը:

Մասնակցում են մարմնամարզիկներ Երեւանից, Գյումրիից եւ Էջմիածնից։ Առաջին օրն անցկացվել են որակավորման փուլի մրցումները, ինչպես նաեւ հայտնի են դարձել բազմամարտի հաղթողները։ Բազմամարտի Հայաստանի չեմպիոնի կոչումը նվաճել է Արթուր Դավթյանը, Վիգեն Խաչատրյանը գրավել է երկրորդ տեղը, իսկ Արթուր Ավետիսյանը դարձել է բրոնզե մեդալակիր։ Այս մասին տեղեկացնում է ՀԱՕԿ-ը:

Տղամարդկանց պայքարում առանձին գործիքների եզրափակիչները տեղի կունենան մարտի 13-ին։ Հայաստանի առաջնությանը մասնակցում են 34 մարզիկներ ու 19 մարզուհիներ: Պայքարի մեջ են մտել բոլոր առաջատար մարմնամարզիկները:

Կանանց առաջնության որակավորման փուլը տեղի կունենա մարտի 13-ին Հրանտ Շահինյանի անվան մարզադպրոցում, իսկ եզրափակիչները կանցկացվեն հաջորդ օրը։