«Լիվերպուլ»-ը կիսաեզրափակչում է (տեսանյութ)

Չեմպիոնների լիգայի քառորդ եզրափակչի պատասխան խաղի շրջանակներում «Պորտու»-ն հյուրընկալեց  «Լիվերպուլ»-ին:

Անգլիական ակումբը առավելության հասավ 4:1 հաշվով:

Սադիո Մանեն 26-րդ րոպեին բացեց հաշիվը, 65-րդ րոպեին Մոհամեդ Սալահը կրկնապատեց անգլիական ակումբի գոլային առավելությունը: Երեք րոպե անց «Պորտու»-ի կազմում աչքի ընկավ Էդեր Միլիտաոն:

«Լիվերպուլ»-ի կազմում 77-րդ րոպեին գոլ խփեց Ռոբերտո Ֆիրմինոն: Հանդիպման վերջին գոլը գրանցվեց 84-րդ րոպեին, երբ աչքի ընկավ Վիրջիլ Վան Դեյքը:

Թիմերի միջև առաջին խաղում «Լիվերպուլ»-ը հաղթել էր 2:0 հաշվով:

Արդյունքում անգլիական թիմը դուրս եկավ կիսաեզրափակիչ փուլ: