Ի՞նչ դիրքորոշում ունեք «Վեոլիա Ջրի» թերությունների վերաբերյալ. Գևորգ Պապոյանը՝ Գարեգին Բաղրամյանին (տեսանյութ)
ՔաղաքականԱԺ-ում քննարկվում է ՀՀ Հանրային ծառայությունները կարգավորող հանձնաժողովի նախագահի ընտրության հարցը: ՀՀ վարչապետ Նիկոլ Փաշինյանն այդ պաշտոնում առաջարկել է Գարեգին Բաղրամյանի թեկնածությունը:
«Իմ քայլը» խմբակցության պատգամավոր Գևորգ Պապոյանը դիմելով Բաղրամյանին, նշեց.
«Խոսքս վերաբերվում է կոնկրետ դեպքի, որոնց առնչվել են հարյուրավոր քաղաքացիներ և այդ քաղաքացիների մեծ մասն այդ հարցով նաև ինձ դիմել է: Մասնավորապես, խոսքը վերաբերվում է այն դեպքերին, երբ որ «Վեոլիա Ջրի» կողմից տեղադրված ջրաչափերը, որոնք ունեն մինչև 20 տարվա կենսագրություն, և, բնականաբար, այդ ջրաչափերը ժամանակի ընթացքում կարող են նաև տեխնիկական խնդիրներ ունենալ և լինում են դեպքեր, երբ մեր ՀՀ քաղաքացիները տեսնում են այդ խնդիրները և ահազանգում են «Վեոլիա Ջրին», որպեսզի նա գա և այդ խնդիրը վերացնի: Սակայն գալիս է «Վեոլիա Ջուրը», ինչ-որ գործողություններ է իրականացնում, որից հետո քաղաքացին հայտնվում է «Վեոլիա Ջրի» լաբորատորիայում և վերջնարդյունքում 46720 դրամով տուգանվում: Ի՞նչ դիրքորոշում ունեք այս հարցի առնչությամբ, որպես ապագա Հանրային ծառայությունները կարգավորող հանձնաժողովի նախագահ»:
Մանրամասները՝ տեսանյութում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
