Մեր երիտասարդները պետք է հավատան իրենց ուժերին. Փաշինյան (տեսանյութ)

Կառավարության այսօրվա՝ ապրիլի 25-ի նիստում ՀՀ սպորտի և երիտասարդության հարցերի նախարարությանը գումար հատկացնելու ՀՀ 2019 թվականի պետական բյուջեում վերաբաշխում, ՀՀ կառավարության 2018 թվականի դեկտեմբերի 27-ի N 1515-Ն որոշման մեջ փոփոխություններ և լրացումներ կատարելու մասին հարցի քննարկման ժամանակ  զեկուցող Սպորտի և երիտասարդության հարցերի նախարար Գաբրիել Ղազարյանը  նշեց. 

«Նախագծի ընդունման անհրաժեշտությունը պայմանավորված է այն հանգամանքով, որ շախմատի համաշխարհային օլիմպիադայի եռակի չեմպիոն, աշխարհի թիմային առաջնության հաղթող, աշխարհի գավաթի կրկնակի հաղթող և պատմության բոլոր ժամանակների չորրորդ ամենաբարձր վարկանիշն ունեցող շախմատիստ Լևոն Արոնյանը 2019 թ. պատրաստվում է աշխարհի չեմպիոնի տիտղոսի համար ծավալվող պայքարին: Լևոն Արոնյանի կողմից 2019 թ. աշխարհի չեմպիոնի տիտղոսի համար պայքարին պատշաճ մասնակցության համար անհրաժեշտություն է առաջացել «Հայաստանի շախմատի ֆեդերացիա» ՀԿ-ին 2019 թ. հատկացնել 133 հազար 200 ԱՄՆ դոլարին համարժեք դրամ` պատշաճ մակարդակով այդ վարկանիշային մրցաշարին պատրաստվելու և աշխարհի առաջնությանը մասնակցելու համար»:

Հարցի առնչությամբ Փաշինյանն ասաց. 

«Այն մարզական առաքելությունները, որոնք մենք կգնահատենք պետական նշանակություն ունեցող, պետությունը պետք է ֆինասնավորի: Լևոն Արոնյանն աննախադեպ վաստակ ունի ՀՀ առաջ և նրան աջակցելը պետական առաքելություն է: Լևոն Արոնյանի, Հենրիխ Մխիթարյանի, Արթուր Ալեքսանյանի և այս կարգի մարզիկների օրինակով մեր երիտասարդները պետք է հավատան իրենց ուժերին»:

Մանրամասները տեսանյութում: