Անց եմ կացնում առկա և առաջարկվող ծրագրերի համեմատականը. Մարինա Խաչատրյան

ՀՀ Առողջապահության նախարար Արսեն Թորոսյանն ամիսներ առաջ հանրությանը ներկայացրեց իր հրաշալի ծրագիրը։ Վերհիշենք այն կետ առ կետ։

1. Մինչեւ12 տարեկաներեխաներիտեղափոխումըմարդատարմեքենաներում՝միայնքարսիթիառկայությանդեպքում
2. Սանավիացիոն ծառայություն
3. Շտապօգնությունից բացի՝ նոր ծառայություն. մարդիկ երեկոյան կարող են բժիշկ կանչել տուն
4. Չարորակ հիվանդությունների վիրահատական բուժման համար քաղաքացիներն այսուհետ գումար չեն վճարի
5. Պետությունը կաջակցի անպտուղ ընտանիքներին
6. Առաջին անգամ 200 քաղաքացի պետպատվերի շրջանակում անցնելու է արագացված ճառագայթային բուժում
7. Իշեմիկ կաթվածի՝ «ինսուլտի» բուժումը կդառնա անվճար. ծրագիրը կգործի առայժմ 2 հիվանդանոցում
8. 2021 թվականից գործելու է համապարփակ բժշկական ապահովագրություն
9. Նոր, անվտանգ դրոշմապիտակներ՝ գործողների փոխարեն
10. Նախատեսվում է նաև առաջիկայում վերացնել քիմիոթերապիայի եւ ճառագայթային թերապիայի համավճարները

Իմ կողմից հավելեմ

1. Գարդասիլ-4-ի կիրառման տարիքային շեմի ավելացում
2. Օրգանների փոխպատվաստման իրականացում ՀՀ-ում
3. Պոլիկլինիկաների աշխատողների աշխատավարձի բարձրացում

Առողջապահական համակարգի առողջացման համար անհրաժեշտ է իրականացնել ոչ թե կոսմետիկ, այլ համակարգի հիմնահատակ վերափոխում` ներգրավվելով համայն հայության մարդկային և գիտական պոտենցիալը։ Անթույլատրելի է նախկինների գործելաոճի կրկնությունը։

Առողջապահական համակարգի ողջ ներուժը կենտրոնացնելով միայն որոշ նեղ ծրագրերի վրա` մենք չենք կարող կառուցել գործուն համակարգ։ Իսկ կյանքը ցույց տվեց, որ առաջարկվող ծրագիրում խնդիրներ կան օրենքի, ճշմարտության և իրականության հետ։

Իսկ մենք պարտավոր ենք մեր սերունդներին թողնել կայացած, ամուր և աշխատող առողջապահական համակարգ, որտեղ որոշողը կլինեն ոչ թե քավոր-բաջանաղը, այլ օրենքը, բժշկական բարձրագույն էթիկան և գիտելիքը։

Ես առաջարկում եմ մեր պետության առողջապահական համակարգի զարգացման և վերակենդանացման իմ ծրագիրը:

1)      Կրթական ծրագրերի իրականացում` բնակչության և բժշկական անձնակազմի առողջապահական ոլորտի գիտելիքները բարձրացնելու համար, պետական միջոցներով բուժանձնակազմի վերապատրաստման ծրագրերի ներդրում և իրականացում (պահպանելով արդարության սկզբունքը): Բժշկական էթիկայի վերահսկողություն։

2)      Առողջապահական համակարգի ակտիվ և համաչափ զարգացում ՀՀ բոլոր մարզերում։ Ցանկացած տեսակի բուժօգնության հասանելիության ապահովում ՀՀ ողջ տարածքում։

3)      Բուժաշխատողների և բուժառուների շահերի պաշտպանության համալիր ծրագիր

4)      Սքրինինգային ծրագրերի ներդրում և պարտադիր իրականացում

5)      Համագործակցություն կառավարության համապատասխան ենթակառուցվածքների հետ` երկրում էկոլոգիական իրավիճակը բարելավվելու համար

6)      Բժշկագիտության զարգացմանը նպաստող քայլեր, հայ բժիշկների, գիտնականների համար աշխատանքային բարենպաստ պայմանների ստեղծում, ստեղծարար մտքի պահում ՀՀ-ում

7)      Բուժման նորագույն եղանակների և նորագույն տեխնոլոգիաների ներդրում Հայաստանի Հանրապետությունում

8)      Համատարած ապահովագրական համակարգի ներդրում` ավելորդ ծախսերը կրճատելու հաշվին

9)      Առողջ ապրելակերպի, սպորտի քարոզչություն 

10)  Դեղորայքի շուկայի լրջագույն ուսումնասիրություն և վերահսկողություն

11)  Պատվաստանյութերի կիրառման ողջ համակարգի վերանայում

12)  Բժշկական տուրիզմի զարգացում

13)  Բոլոր բուժաշխատողների աշխատավարձի զգալի բարձրացում, աշխատավարձի ձևավորման ու տրամադրման կարգի հստակեցում և վերահսկողություն

Շարունակելի …

Նեյրովիրաբույժ Մարինա Խաչատրյան