Նախարարները մեկնաբանել են Քաղաքացու օրվա խորհուրդը

Քաղաքացու օրվան նվիրված միջոցառումների շրջանակում Հայաստանի Հանրապետության Արտաքին գործերի նախարար Զոհրաբ Մնացականյանը, Տարածքային կառավարման և զարգացման նախարար Սուրեն Պապիկյանը և Աշխատանքի ու սոցիալական հարցերի նախարար Զարուհի Բաթոյանը քաղաքացիների հետ խոսել են քաղաքացու օրվա խորհրդի մասին: Ապրիլի 27-ին նախարարները մասնակցել են «Իրազեկ քաղաքացի» խորագրով հանրային քննարկմանը:

«Այս օրը ոչ թե մեր իշխանության գալու մասին է, այլ Հայաստանում քաղաքացիական հասարակության, քաղաքացու իրավունքների հաղթանակի մասին է: Եվ այդ հաղթանակը և՛ այս իշխանության, և՛ հետագա իշխանությունների ձևավորման սկզբունքի, ձևի, բովանդակության մասին է: Հայաստանի քաղաքացին այսուհետ Հայաստանում այլևս իրավարար տեր է, և այդ իրավունքը ոչ ոքի չի զիջելու»,- ասաց Սուրեն Պապիկյան

Զարուհի Բաթոյանը նշեց, որ հույս ունի՝ այս օրը նպաստելու է քաղաքացիների գիտակցության բարձրացմանը:

«Այն սերունդն ենք, որ ուրախությամբ սկիզբ է դնում այս տոնին: Հույս ունեմ, որ այս տոնը տարեց տարի պետք է նաև նպաստի քաղաքացու գիտակցության բարձրացմանը»,- նշեց Բաթոյանը:

Արտաքին գործերի նախարարի խոսքով՝ տոնը զգոնություն է հաղորդում գործադիր իշխանությանը:

«Այս օրն արտահայտում է այն, ինչին մենք ձգտել ենք 27 տարի՝ կառուցել մեր պետությունը, մեր երկիրը, որպես ժողովուրդ, որն ունի իր հստակ արտահայտված ինքնությունը, արժանապատվությունը, ինքնավստահությունը, հարգանքը պատմության հանդեպ: Այս օրը նաև հիշեցում է կառավարությանը՝ զգոնությունը պահելու քաղաքացու պահանջների, ձգտումների և սպասելիքների հանդեպ: Սա է ուժեղացնում մեր մանդատը»,- ասաց Զոհրաբ Մնացականյանը:

Հայաստանում առաջին անգամ ապրիլի վերջին շաբաթ օրը նշում են որպես Քաղաքացու օր: Ապրիլի 27-ին տոնի առիթով ողջ հանրապետությունումնախատեսված են բազմաբնույթ միջոցառումներ:

Կառավարության կողմից ներկայացված «Տոների և հիշատակի օրերի մասին» օրենքում լրացում կատարելու մասին օրենքի նախագիծը շրջանառությանառաջին իսկ օրից բուռն քննարկումների առիթ էր դարձել: Թե քաղաքական տարբեր ուժերի, թե քաղաքացիների կողմից հնչել էին կողմ և դեմ կարծիքներ: Խորհրդարանում ՀՀ արդարադատության նախարար Արտակ Զեյնալյանը, ներկայացնելով նախաձեռնության նպատակը, նշել էր, որ 2018-ի ապրիլինհարյուր հազարավոր քաղաքացիներ միախմբված, առանց նախապես պայմանավորվածություն ձեռք բերելու կարողացան իրականացնելհեղափոխություն՝ թավշյա, առանց բռնության: Եվ գործադիր իշխանությունը գտնում է, որ այդ երևույթը անհրաժեշտ է ամրագրել որպես տոն նաև այննպատակով, որ այսուհետև Հայաստանում իշխանությունը պետք է ձևավորի դրա տերը՝ քաղաքացին, և պետք է նշել Քաղաքացու տոն: Արդյունքումերկարատև քննարկումներից հետո նախագիծն օրենսդիրն ամբողջությամբ ընդունեց ապրիլի 9-ի նիստում:

Ապրիլի 19-ին կառավարության որոշմամբ` ՀՀ քաղաքացու օրվան նվիրված միջոցառումների անցկացման համար հատկացվեց 124 մլն դրամ: