«Голос. Дети» շոուի սկանդալային արդյունքները կարող են չեղարկվել (տեսանյութեր)

Ռուսաստանցի հաղորդավար Դմիտրի Նագիևը հայտարարել է, որ «Голос. Дети» երգի մրցույթի մասնակիցներից մեկի օգտին հնարավոր ճնշումների հարցը քննարկման փուլում է: «Առաջին ալիքը» հատուկ հետաքննություն կանցկացնի՝ հնարավոր ճնշումները ի հայտ բերելու ուղղությամբ, իսկ դերասանն ինքը գտնում է, որ հեռուստաընկերությունն ամեն ինչ արել է կանոնակարգի շրջանակներում:

Նա չի բացառել, որ եթե հանկարծ պարզվի, մրցույթի եզրափակիչ փուլի քվեարկության հետ կապված կեղծիքներ հայտնաբերվեն, ապա արդյունքները կչեղարկվեն: 

Նշենք, որ Голос. Дети» հեռուստանախագծի 6-րդ եթերաշրջանում հաղթել է Միկելա Աբրամովան՝ հայտնի երգչուհի Ալսուի դուստրը: 10-ամյա աղջկա օգտին քվեարկել էր հանդիսատեսի ավելի քան 56%-ը, ինչը շատերի մոտ կասկած է հարուցել, որ քվեարկությունը սարքված է եղել: