ՀՀ ոստիկանության պետի և Ղազախսատանի ՆԳ նախարարի առաջին տեղակալները քննարկել են գործընկերության խորացման հարցեր
Հասարակություն
ՀՀ ոստիկանության պետի առաջին տեղակալ Արման Սարգսյանն ապրիլի 29-ին ընդունել է Ղազախստանի Հանրապետության ներքին գործերի նախարարի առաջին տեղակալ Մարատ Կոժաևին և ՆԳՆ վարչական ոստիկանության կոմիտեի նախագահի տեղակալ Ալիբեկ Կենիսպաևին:
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, հանդիպման ընթացքում կողմերը դրական են գնահատել հայ և ղազախ իրավապահների համագործակցության մակարդակը, դիտարկել գործընկերության խորացման հնարավորությունները համատեղ հետաքրքրություն ներկայացնող մի շարք ոլորտներում և երկուստեք հավանություն տվել այդ ուղղություններով գործընկերությունն ընդլայնելու առարկայական հեռանկարներին:
Հանդիպման ընթացքում քննարկվել են ՀՀ ոստիկանության և Ղազախստանի Հանրապետության ՆԳ նախարարության փոխգործակցության դաշտում գտնվող այլ հարցեր ևս:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
