Երևանում այսօր կայանատեղերի և երթևեկության հետ կապված խնդիր կա. ՃՈ պետ
Քաղաքական
«Տրանսպորտային միջոցով երկու տարի երեք ամսում 420 կմ տրանսպորտային միջոց գտնվում է Երևան քաղաքում, իսկ եթե դա վերածենք քառակուսի մետրի, մոտավորապես 110 հա տրանսպորտային միջոց միայն Երևանում է, իսկ եթե դա վերածենք հրդեհային նորմերը պահելուն, այսինքն` 15 քառակուսու փոխարեն լինի 24 քառակուսի մետր, նշանակում է՝ 170 հա Երևանում տարածք է պետք, որպեսզի Երևանում օգտագործվող տրանսպորտային միջոցները կայանեն: Մենք նաև վերլուծություն ենք կատարել Կրկեսի խաչմերուկում: Վերցրել ենք մեկ երթևեկելի գոտի և վերլուծության արդյունքում պարզել, որ նախատեսված 450 մեքենայի փոխարեն այդտեղ երթևեկում է 875-ից 925 մեքենա, այսինքն՝ կրկնակիից ավելին»,- այս մասին այսօր՝ ապրիլի 30-ին, կայացած ասուլիսի ժամանակ ասաց ՃՈ պետ Եգոր Կարապետյանը:
Լրագրողների հարցին, թե հնարավոր չէ՞ որոշ հատվածներում կայանելու մեկ րոպե թույլտվությունը դարձնել հինգ րոպե՝ տուգանքներից խուսափելու համար, ՃՈ պետը պատասխանեց․
«Կարելի է նույնիսկ տասը րոպե էլ թույլատրել, բայց անգամ 1 րոպե ավել թույլատրելու դեպքում խցանումները կրկնակի կավելանան, իսկ Երևան քաղաքում այսօր խնդիր կա և՛ կայանատեղերի, և՛ ընդհանրապես երթևեկության հետ կապված»,-ասաց նա:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
