Վանաձորի ծերանոցում լոգանքի ժամանակ այրվածքներ ստացած բնակիչը մահացել է

Ապրիլի 28-ի լույս 29-ի գիշերը Վանաձորի ծերանոցում ջերմային այրվածքներ ստացած ու Վանաձորի բժշկական կենտրոնից ուղղաթիռով Երևանի «Էրեբունի» բժշկական կենտրոն տեղափոխված 68-ամյա Սամվել Ստեփանյանը հիվանդանոցում մահացել է: Ծերանոցի բնակիչը լոգանք ընդունելիս կորցնելով ինքնակառավարումը, ուշագնաց է եղել, ինչի հետևանքով ստացել է մարմնի մակերեսի շուրջ 35 տոկոսի այրվածք:

ԼՈւՐԵՐ.com-ի հետ զրույցում «Էրեբունի» բժշկական կենտրոնի տնօրեն Միքայել Մանուկյանն ասաց, որ ծերանոցի բնակիչ Սամվել Ստեփանյանը հիվանդանոց է տեղափոխվել ծանր վիճակում և ժամեր անց մահացել վերակենդանացման բաժանմունքում. «Ցավոք սրտի, մեզ չհաջողվեց փրկել հիվանդի կյանքը: Նա շատ ծանր վիճակում է ընդունվել «Էրեբունի» ԲԿ, բացի այդ, այլ օրգանների խնդիրներ ևս ուներ: Նրա այրվածքները և այլ օրգանների խնդիրները կարճ ժամանակ անց հանգեցրին մահվան»,- ասաց «Էրեբունի» բժշկական կենտրոնի տնօրեն Միքայել Մանուկյանը:

Նշենք, որ Սամվել Ստեփանյանը «Էրեբունի» բժշկական կենտրոն է տեղափոխվել ծերանոցի աշխատակիցների հետ՝ շտապօգնության մեքենայով: Նրա հետ ոչ մի հարազատ չի եղել:

Սիլվի Տիգրանյան