Իտալիայում համընդհանուր գործադուլ․ հարյուր հազարավոր մարդիկ դուրս են եկել փողոց Պուտին․ Արևմուտքի աջակցությունը Ուկրաինային ծառայում է սեփական շահերին Դանիել Դևիս․ պատերազմի շարունակությունը կարող է կործանարար լինել Ուկրաինայի համար Բեռլինում հազարավոր երիտասարդներ դուրս են եկել փողոց՝ ընդդեմ զորակոչի Ռուսական հրթիռներ՝ ՆԱՏՕ-ի տարածքո՞ւմ․ Լեհաստանը խոսում է սադրանքի մասին «Մոսադի» ղեկավարը Վաշինգտոնում կոչ է արել վերսկսել Իրանի դեմ հարվածները Ֆիդանը քննադատել է ՆԱՏՕ-ին․ «Մեր անվտանգությունը Մերձավոր Արևելքում չի ապահովվել» Լոռու մարզի որոշ բնակավայրերում գազանջատումներ կլինեն «Գրոսսին լրտես է»․ Իրանում պահանջում են արգելել միջուկային գործակալության ղեկավարի մուտքը Գազայի համար խոստացված 17 միլիարդից 2 տոկոսն էլ չկա․ բանագնացը մեկնում է Մոսկվա Միլիարդների խաղ․ GTA VI-ը վաճառքի և ժողովրդականության նոր ռեկորդներ է սահմանում Թուրքիան ստացել է առաջին երեք «Քըզըլէլմա» անօդաչու կործանիչները․ հայտարարվում է նոր փուլ 

Փաշինյան-Ռասպուտին՝ հեռավոր առնչություններ․ Hraparak.am

Քաղաքական

Hraparak.am-ը գրում է․

Եթե ձեզ փողոցում պատահաբար հարցնեն, թե որն է Սերժ Սարգսյանի վերջին վատությունը Հայաստանին, կարող եք հանգիստ խղճով պատասխանել` իշխանությունը չկայացածների թիմին փոխանցելը: Իշխանությունը հանձնելուց տարիներ առաջ Սերժ Սարգսյանն ասում էր, որ կարող է 5-6 մարդու անուն տալ, որոնց կարելի է փոխանցել իշխանությունը: Այն ժամանակ անունները չբարձրաձայնեց` պատճառաբանելով, որ նրանց վրա «հարձակում» կսկսվի: Այդ անունների մեջ կա՞ր Նիկոլ Փաշինյանի անունը: Վստահ եմ` բոլորը կասեն` ոչ: Բայց մի շտապեք, որովհետեւ Սերժ Սարգսյանն այդ մասին խոսել է այն ժամանակ, երբ նոր-նոր էին ձեռնարկում սահմանադրական փոփոխությունները, որոնք հետագայում պետք է հաստատվեին հանրաքվեով, ու Հայաստանը պետք է դառնար խորհրդարանական կառավարմամբ երկիր: Եթե չեմ սխալվում, ՀՀ-ում առաջինը հենց Նիկոլ Փաշինյանը գոչեց, որ այդ սահմանադրությունը Սերժի հագով է կարված: Իսկ հիմա հիշեք հայտնի խոսքը, թե ով է առաջինը գոռում` բռնեեեեք…

Ես վարչապետ չեմ ուզում դառնալ, նախագահ չեմ ուզում, ԱԺ նախագահ էլ չեմ ուզում՝ ասաց Սերժ Սարգսյանը։ Իրականում նրան ոչ ոք չէր էլ խնդրում որեւէ բան դառնալ: Պետք էր ընդամենը նորմալ ԱԺ ընտրություններ անցկացնել եւ հանգիստ խղճով հեռանալ: Ով կհաղթեր, թող հաղթեր: Դա կարող էր լինել նրա մտքում եղած կամ չեղած մարդկանցից մեկնումեկը: Սակայն չմոռանանք, որ գործ ունեինք Սերժ Սարգսյանի հետ…

Այստեղ մի անեկդոտ պետք է պատմեմ, որ շատ նման է 2017թ. ապրիլի 2-ի խորհրդարանական ընտրությունների իրավիճակին: Ուրեմն ամերիկացին, ֆրանսիացին եւ հայը գերի են ընկնում գերմանացիների մոտ: Գերմանացիներն ազատման 3 պայման են դնում սրանց առաջ` կա՛մ 5 հազար դոլար փրկագին եք տալիս, կա՛մ մի պարկ սոխ եք ուտում, կա՛մ հետույքին ճիպոտի 50 հարված: Ամերիկացին, հասկանալի է, ձեռքը տանում է գրպանը, 5000-ը վճարում եւ ազատվում: Ֆրանսիացին, որ այդքան փող չուներ, ընտրում է ճիպոտի 50 հարվածը: Հերթը հասնում է հային.

- Հլա էն մեշոկով սոխը բերեք…

Բերում են: Մի հատ ուտում է, երկրորդը, երրորդին` արցունքներն աչքերից գնում են: Ուտելը դադարեցնում է, գնում-պառկում է իշոտնուկին, թե` ճիպոտեք: Սկսում են ծեծել. մեկ, երկու… Ցավից գոռում է, վեր է կենում պառկած տեղից, կողքին ընկած շորերը քրքրում, միջից 5000 դոլարը հանում.

- Առեք ձեր փողը, ես գնացի…

Սերժ Սարգսյանն այդ հային է հիշեցնում: Նա փորձեց մնալու բոլոր տարբերակները, բայց ստիպված եղավ ընտրել մնալու` մեզ համար ամենավատ տարբերակը` իշխանությունը «փոխանցելով» Նիկոլ Փաշինյանին: Մինչդեռ ում էլ նա ընտրություններով փոխանցեր իշխանությունը, նոր սահմանադրությամբ փոփոխություններ տեղի կունենային Հայաստանում, որոնք կապահովեին ոչ միայն սահուն անցումը կառավարման խորհրդարանական համակարգին, այլեւ հնարավորություն կտային վարել արտաքին եւ ներքին կայուն քաղաքականություն եւ երկիրը պահել ռելսերի վրա: Բայց, ինչպես ասաց Սերժ Սարգսյանը, Նիկոլն էր ճիշտը: Մենք էլ հիմա այդ ճշտի պտուղներն ենք ճաշակում:

Սերժ Սարգսյանի ստեղծած համակարգը ոչ թե ջարդվել, այլ փոխել է արտաքին պաճուճանքը: Պետք չէ խաբվել ո՛չ Նիկոլ Փաշինյանի «հերոսական» կեցվածքին, ո՛չ Աշոտյանի ու Շարմազանովի գրառումներին եւ ո՛չ էլ ԱԺ արտահերթ ընտրությունների արդյունքներին: Երբ ասում են` ժողովուրդը, զզված հին կարգերից, գնաց ու ձայն տվեց Փաշինյանին, ինձ թվում է, որ 2017թ. ապրիլի 2-ից մինչեւ 2018թ. դեկտեմբերի 9-ը ես բացակայել եմ Հայաստանից, ոչինչ չեմ տեսել, ոչինչ չեմ լսել: Իսկ ամենահետաքրքիրն այն է, որ այդ ամենը լսող ժողովուրդն է իրեն ձեւ տալիս, թե հա, իսկականից զզվել էինք ու ընտրեցինք Նիկոլին: Եթե զզվել էիք, սիրելիներս, ինչո՞ւ ապրիլի 2-ին այնպես քվեարկեցիք ՀՀԿ-ի օգտին, որ Սերժ Սարգսյանի ախորժակը բացվեր ու ասեր` «հլա էն մեշոկով սոխը բերեք»՝ ուզում եմ վարչապետ դառնալ:

Ո՞վ չթողեց Սերժ Սարգսյանին վարչապետ դառնալ: Սա նույնպես հետաքրքիր հարց է: Այն բանից հետո, երբ նա այնուամենայնիվ ընտրվեց վարչապետ, փողոցում հաստատ «լիքը ժողովուրդ» չկար: Փոխարենը մամուլն էր աղմկում` Սերժը, չհեռանալով, խախտել է պայմանավորվածությունները: Եվ սա այն եզակի դեպքերից էր, որ պետք է ասել` մամուլը չէր սխալվում: Սերժ Սարգսյանը սահմանադրություն չէր խախտել, օրենքը նրան թույլ էր տալիս նախագահի պաշտոնից հեռանալուց հետո դառնալ վարչապետ, բայց… Բայց չէ՞ որ ապրիլի 2-ի ԱԺ ընտրություններում ՀՀԿ հաղթանակն ապահովել էին բոլորովին այլ մարդիկ, որոնք հետո իրենց գործունեությամբ ստվերում էին թողնելու Սերժ Սարգսյանի իշխանության, մեղմ ասած, «չզարգացման» տարիները: Այս պահին չէի ցանկանա ասել, թե ում հետ եւ ինչ պայմանավորվածություններ խախտվեցին, ում «քցեց» Սերժ Սարգսյանը:

Իսկ ինչ վերաբերում է Նիկոլ Փաշինյանին, ապա պետք է ասել, որ նա շատ ուշիմ աշակերտ դուրս եկավ: Առաջին հերթին պետք էր քանդել ՀՀԿ-ն, որ հանկարծակիի էր եկել Սերժ Սարգսյանի հերթական միանձնյա, այն է` վարչապետ դառնալու որոշումից: Հասկանում եք, երեւի, վերջին տարում այդ կուսակցություն նոր մարդիկ էին եկել, ծանրության բեւեռ էին ստեղծել, թեւեր էին ձեւավորել, նպատակներ ունեին, բայց պարզվեց, որ առուն չթռած էին հոպ ասել: Սերժ Սարգսյանն ԱԺ իր մի քանի օլիգարխներով եւ մեկ-երկու ինտելեկտուալներով արդեն փոքրամասնություն էր դարձել կուսակցությունում: ՀՀԿ-ում նրան կարող էին չներել պայմանավորվածությունների այդ կոպիտ խախտումը եւ հեռացնել ղեկավար պաշտոնից: Իսկ դա նշանակում էր պալատական հեղաշրջում, որին կհետեւեր նաեւ վարչապետի պաշտոնից հեռացումը: Իշխանությունը Փաշինյանին հանձնելով` Սերժ Սարգսյանը խուսափեց այդ հեռանկարից:

Պայմանավորվածությունների արդյունքում ՀՀԿ ներսում ձեւավորված «նոր իշխանությունը» դեկտեմբերի 9-ի ընտրություններից հետո ցրվեց աշխարհով մեկ, իսկ Սերժ Սարգսյանը պահպանեց նախկին համակարգի եւ ՀՀԿ փոքրամասնության վրա իր իշխանությունը: Այդ ընթացքում Փաշինյանն զբաղված էր յուրահատուկ ռեկետով: Նա այդ օրերի Ռասպուտինն էր, որ ինչի վրա մատը դնում էր, գլուխ էր գալիս` ում անունը տալիս էր, բռնում էին, ով «իրենց» հետ չէր, ասֆալտին էր հայտնվում, ով իրենց հետ էր, կոռումպացված չէր եւ այսպես շարունակ: Այս «դուխով» ծրագիրն այնքան համոզիչ էր, որ նույնիսկ բազմավաստակ Սորոսը հավատաց ու գրպանները լայն բացեց հայկական հեղափոխության համար: Բայց Սերժն ու Փաշինյանը պատրաստ էին նույնիսկ այդ գայթակղությանը դիմակայել: Սորոսի փողերը հեղափոխության մեջ «ներդրվեցին» մի քանի ՀԿ-ների, «գենդերների» եւ այլոց ձեռքով, եւ հիմա արդեն Սերժն ու Նիկոլը «քցում» են Սորոսին:

Իսկ պատահակա՞ն է, որ Փաշինյանը չի կարողանում իրականացնել այնպիսի բարեփոխումներ, որոնք որակապես կփոխեն մարդկանց կյանքը:

Արտաքին ճակատում նա այս պահին շարժվում է ճիշտ Սերժ Սարգսյանի կուրսով` վստահություն չներշնչող սիլիբիլի Ռուսաստանի հետ եւ արկածային տեսարաններ Եվրոպայում: Ներքին ճակատում իրավիճակն ավելի վատ է: Հեղափոխական օրերի խոստումներից ոչ մեկը չի իրականացվել: Արդեն իսկ հասկանալի է, որ ժողովուրդը սուտ խոստումներին խաբվել է միայն այն պատճառով, որ խոստումներ տվողը Փաշինյանն է` հին համակարգի օրոք հալածված, ընդհատակում եղած, բանտ նստած ընդդիմադիրը, որ, ահա, եկել է արդարություն հաստատելու:

Այսօր կա՞ մեկը Հայաստանում, որ հավատում է Փաշինյանի գլխավորած կառավարությանը, լրագրողներից բացի կա՞ն մարդիկ, որ կարող են թվարկել Փաշինյանի նախարարների ու մյուս բարձրաստիճան պաշտոնյաների անունները, քանի՞ իմքայլական պատգամավորի անուն գիտի ժողովուրդը, որ 880 հազար ձայն է տվել այդ բոլուկին: Ամեն տեղ Փաշինյանն է: Բայց եթե Փաշինյանը լիներ քաղաքական ռեսուրս ունեցող ինքնուրույն գործիչ, ապա նա առաջին հերթին Ոստիկանությունն ու ԱԱԾ-ն կհաներ վարչապետի ենթակայության տակից: Դա տեղի չի ունենում: Ինչո՞ւ: Մի օր էլ կպարզվի, որ մենք սխալ պատկերացում ունենք այն մասին, թե ում են ենթարկվում նախկին համակարգի մարդկանցով ղեկավարվող այդ կառույցները եւ ինչ ֆունկցիա են իրականացնում: Փաշինյանը չգիտի՞, որ Օսիպյանն ու Վանեցյանն առաջին հերթին իրեն են «վերահսկում» եւ հետո մնացած ամեն ինչը:

Տղա է` թող ազատվի այդ վերահսկողությունից, դուրս գա Ոստիկանության ու ԱԱԾ-ի ենթակայությունից: Կարո՞ղ է… Եվ, առհասարակ, ի՞նչ կարող է անել Փաշինյանը: Նա կարող է խոսել, շոուներ սարքել, «լայվ» մտնել, ապրել կառավարական շենքերում, թվեր կրակել եւ ստանալ այնքան փող, ինչքան կտան… Չէ չէ մի` Սաշիկը 20 միլիոն մուծվեց, Վաչոն՝ 30 միլիոն, տոնածառը Տարոնի փողերով առան, Միհրանն էլ 20 միլիոն պետք է տար, էն էլ թռավ Ռուսաստան: Խոսակցություններ: Իսկ ամենածիծաղելին այն է, որ Փաշինյանն իսկապես ճիշտ է ասում, որ դատավորներն ու դատարաններն իրենից անկախ են: Իրենից անկախ են, բայց հո համակարգից ու Սերժ Սարգսյանից էլ անկախ չե՞ն:

Հետևե՛ք Euromedia24-ին
Youtube-ում`
Ռուսաստանն առաջարկել է Իրանից տեղափոխել միջուկային վառելիքի մի մասըԻտալիայում համընդհանուր գործադուլ․ հարյուր հազարավոր մարդիկ դուրս են եկել փողոցՄոլդովան հավանություն է տվել Ուկրաինայի հետ ռազմական համաձայնագրինՆԱՏՕ-ի հետախուզական անօդաչուն Սև ծովում կրկին կորցրել է կապըԱՄՆ-ը թույլատրել է Չինաստանին վաճառել 879 հազար AI չիպՊուտին․ Արևմուտքի աջակցությունը Ուկրաինային ծառայում է սեփական շահերինԴանիել Դևիս․ պատերազմի շարունակությունը կարող է կործանարար լինել Ուկրաինայի համարԲեռլինում հազարավոր երիտասարդներ դուրս են եկել փողոց՝ ընդդեմ զորակոչիՌուսական հրթիռներ՝ ՆԱՏՕ-ի տարածքո՞ւմ․ Լեհաստանը խոսում է սադրանքի մասին«Մոսադի» ղեկավարը Վաշինգտոնում կոչ է արել վերսկսել Իրանի դեմ հարվածներըՖիդանը քննադատել է ՆԱՏՕ-ին․ «Մեր անվտանգությունը Մերձավոր Արևելքում չի ապահովվել»Լոռու մարզի որոշ բնակավայրերում գազանջատումներ կլինեն Լագարդը զգուշացնում է Եվրոպային՝ կիբեռսպառնալիքները և տնտեսական ռիսկերը մեծանում են«Գրոսսին լրտես է»․ Իրանում պահանջում են արգելել միջուկային գործակալության ղեկավարի մուտքըԲրիտանիան հաստատել է կիբեռգործողությունները Ռուսաստանի և Չինաստանի դեմԳազայի համար խոստացված 17 միլիարդից 2 տոկոսն էլ չկա․ բանագնացը մեկնում է ՄոսկվաՌուսաստանն ու Ուզբեկստանը ստորագրել են 2027 թվականի ռազմական համագործակցության ծրագիրՄիլիարդների խաղ․ GTA VI-ը վաճառքի և ժողովրդականության նոր ռեկորդներ է սահմանումԹուրքիան ստացել է առաջին երեք «Քըզըլէլմա» անօդաչու կործանիչները․ հայտարարվում է նոր փուլՌուսաստանը չի տեսնում միջուկային բանակցությունների արագ վերսկսման հիմքերԷստոնիան դեկտեմբերի 1-ից փակում է Ռուսաստանի հետ ավտոանցակետերը11 տարվա աշխատանք՝ հանուն առողջ մաշկի․ անվանի բժշկի ստեղծած Արմոդերմը՝ միջազգային շուկայի ճանապարհինBIGBANG-ի անակնկալ երգը․ ի՞նչ է նշանակում «GiiiRIP» անունըՀարավային Կորեայում քննություններին իրենց հետ գաջեթներ բերող ուսանողները կարող են բանտարկվելՄերցը պատրաստ է մեղմել Ռուսաստանի դեմ պատժամիջոցները․ ո՞րն է Բեռլինի պայմանըԻրանը հերքել է ԱՄՆ-ի մեղադրանքները քիմիական և կենսաբանական զենքի մասինՇարմազանովը՝ Փաշինյանին․ Ալիևի պահանջը կատարելուց հետո ինձ ի՞նչ՝ վարչապետ կմնաս, թե՞ ոչԻրանի պատերազմը կանգնեցնելու փորձը տապալվել է․ ԱՄՆ Սենատում 48 ձայնը չի բավարարելՊենտագոնը զինամթերքի արտադրության երկարաժամկետ ծրագիր չունիԼը Պենի կուսակցության գրասենյակում խուզարկություն է անցկացվելԹրամփը Եվրոպային հորդորել է գործարքի գնալ Պուտինի հետ․ ո՞ւր կուղղվեն Ուկրաինայի գումարները«Բիթլզի» 1965-ի երգը նոր տեսահոլովակ ունի․ գլխավոր դերում Օուեն Քուպերն էԵրեկ Հաագայում պատմական վճիռ է կայացվել, որը կարևոր նախադեպ է նաև Արցախի հարցի համարՄոսկվան մերժում է Ուկրաինայի նույնիսկ «քվազիանդամակցությունը» ՆԱՏՕ-ինՀայաստանն ընդունել է Գազայից երեք պաղեստինցի երեխայի՝ մասնագիտացված բժշկական օգնություն ցուցաբերելու նպատակովՋեյմս Բլանթը ստացել է «Icon» մրցանակն ու իրեն համացանցային մեմ անվանելՏափերականի դպրոցի առաջին դասարանի ուսուցչուհին սկոտչով փակել է աշակերտների բերաններըԻնչո՞ւ Ստալոնեն չէր վաճառում «Ռոքիի» սցենարը․ այդ պատմությունն արդեն մեծ էկրանին էՅՈՒՆԻՍԵՖ․ Ուկրաինայում տասը ամսում 114 երեխա է զոհվել, 1 030-ը՝ վիրավորվելԸստ Կիևի՝ Թաթարստանում նավթի մեկ բաք է բռնկվել, ևս երկուսը վնասվել ենԱրամ Առաջինը հանդիպել է Լիբանանի նախագահի հետ Փոփոխություններ կլինեն վաղաժամ ծննդաբերության դեպքում հղիության և ծննդաբերության արձակուրդի տրամադրման կարգումԵՄ-ն Ուկրաինային փոխանցել է 7,9 միլիարդ եվրո՝ բարեփոխումների դիմացԳոհաբանության տոնից առաջ ԱՄՆ-ում մեկ գալոն բենզինի գինն իջել է մինչև 3,69 դոլարՇիրակի քրեական ոստիկանները թմրանյութի իրացումների շղթա են բացահայտել Թեհրանի ազատ շուկայում մեկ դոլարն արժե մոտ 270 հազար թումանՈւկրաինայում շուրջ 100 ուղևորատար գնացք է ուշանում․ որոշ չվերթների ուշացումը գերազանցել է 10 ժամըՄիջպետական և հանրապետական նշանակության բոլոր ավտոճանապարհները բաց ենՀորմուզով նավթի հոսքն աճել է․ «Բրենթի» գինն իջել է մինչև 91,36 դոլարՄեծ Բրիտանիայում էլեկտրաէներգիայի վճարները կշարունակեն աճել․ պետական աջակցությունը բավարար չէ
Ամենադիտված