Մենք պաշտոնյա ենք դնում, որ հաստատի՝ մարդը կենդանի է, թե չէ՞. Փաշինյան (տեսանյութ)

ՀՀ կառավարության այսօրվա նիստում քննարկվող հարցերից մեկը «Պետական կենսաթոշակների մասին» Հայաստանի Հանրապետության օրենքում փոփոխություններ կատարելու մասին» և «Հայաստանի Հանրապետության քաղաքացիական օրենսգրքում լրացում կատարելու մասին» Հայաստանի Հանրապետության օրենքների նախագծերի փաթեթի վերաբերյալ Հայաստանի Հանրապետության կառավարության առաջարկության նախագիծն էր: Հիմնական զեկուցողը աշխատանքի և սոցիալական հարցերի նախարար Զարուհի Բաթոյանն է: 

Նախագիծն առաջակվել է ԱԺ «Լուսավոր Հայաստան» խմբակցության կողմից:

Վարչապետը հավանության չտվեց նախագծին՝ ասելով. «Ես չեմ հասկանում այն բոլոր նախագծերը, որոնք մեզ առաջարկում են ետ գնալ: Հայաստանում 10 000-ավոր թոշակառուներ կան, որոնք գոյություն չունեն և դրա ադյունքում պետությանը միլիարդների վնաս է պատճառվել: Այս նախագծով մենք առաջարկում ենք էլի մեխանիզմ ստեղծել, որ այդ նույն բանը տեղի ունենա: Մինչև այսօր ՀՀ-ում գոյություն ունեն գոյություն չունեցող նպաստառուներ և մեզնից շատ ջանքեր է պահանջվում այդ համակարգի հետևից գնալու: Փոխարենը նենց անենք, որ գոյություն չունեցող նպաստառուներ չլինեն, միջանցքներ ենք ստեղծում, որ լինե՞ն: Տեխնոլոգիաներ պետք է օգտագործենք, փոխարենը մտածենք՝ ոնց հայտնվենք 2037 թվում, ամեն ինչ անում ենք, որ հայտնվենք  1997 թվում: 21-րդ դարն է, գտեք տեխնոլոգիական լուծումներ, որ մարդու գոյություն ունենալու փաստը կոնկրետ արձանագրվի այլ ճանապարհներով: Մենք պաշտոնյա ենք դնում, որ հաստատի՝ մարդը կենդանի է, թե չէ՞: Մենք ամբողջ օրն ասում ենք թվայնացում, հիմա ուզում ենք 4 ծառայող նշանակենք, որ տեսնենք մարդը կենդանի է, թե չէ՞»:

Մանրամասները՝ տեսանյութում: