Որպեսզի խիստ ընկալված լինեմ, ես հերքում եմ այդ լուրերը. Արգիշտի Քյարամյանը՝ Պարգև սրբազանի որդին լինելու մասին
Քաղաքական
Կառավարության նիստից հետո լրագրողների հետ ճեպազրույցում ՊՎԾ պետի պաշտոնակատար Արգիշտի Քյարամյանն անդրադառնալով այն լուրերին, որ Կոտայքի թեմի առաջնորդն իր հայրն է, ասաց. «Եթե ես չեմ սխալվում, սրբազանը լրագրողների հարցին ի պատասխան ներկայացրել է, որ մենք ազգականներ ենք: Ես հիշում եմ, որ լրագրողներից մեկն ինձ զանգահարել էր այդ հարցի կապակցությամբ, և ես նշել էի, որ չեմ ցանկանում մեկնաբանել, չնայած որ կարող եմ հեշտությամբ հերքել և շեշտը դրեցի այն հանգամանքի վրա, որ յուրաքանչյուր անձ ունի ընտանեկան կյանքի գաղտնիության իրավունք, և սա այնպիսի բնական իրավունք է, որ չեմ կարծում, որ որևէ տեսանկյունից՝ բարոյական թե իրավական՝ ճիշտ չէ այս հարցին ադրադառնալ, սակայն որպեսզի խիստ ընկալված լինեմ, ես հերքում եմ այդ լուրերը»:
Հարցին, թե բարեկամ լինելն է՞լ է հերքում, Քյարամյանը պատասխանեց. «Ոչ, բարեկամ լինելը չեմ հերքում»:
Լրագրողների այն պնդմանը, թե կոնկրետ ի՞նչ բարեկամ է Կոտայքի առաջնորդը իրեն, Քյարամյանը պատասխանեց, «Ինչպես սրբազանն է նշել, իր հորեղբոր թոռն եմ»:
Դիտարկմանը, թե ի՞նչն է խանգարում, որ հրապարակի իր հայրիկի անուն ազգանունը, Քյարամյանը պատասխանեց. «Ես իմ ընտանեկան կյանքի հետ կապված որևէ հարցի այլևս չեմ պատասխանելու»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
