«Ոչ ոք չի պարտադրում կարդալ այդ գիրքը». Զարուհի Բաթոյանը պնդում է իր կարծիքը (տեսանյութ)
ՔաղաքականԵս դատպարտում եմ կազմակերպված գրքի շնորհանդեսի տապալման փորձը։ Այս մասին այսօր 100֊օրյա ամփոփիչ մամուլի ասուլիսի ժամանակ հայտարարեց աշխատանքի և սոցիալական հարցերի նախարար Զարուհի Բաթոյանը։ Նա նշեց՝ չի ցանկանում զբաղվել գրաքննությամբ, միևնույն ժամանակ խրախուսում է երեխաների և ծնողների իրազեկվածությունը: «Ոչ ոք չի պարտադրում կարդալ այդ գիրքը։ Մարդիկ իրենք են ընտրում ինչ կարդալ, ինչ՝ ոչ»,-ասաց Բաթոյանը։
Սակայն Բաթոյանը հրաժարվեց պատասխանել հարցին՝ արդյոք խրախուսում է տվյալ գրքի քարոզը, թե ոչ, հատկապես, որ իր ֆեյսբուքյան էջում հրապարակել էր գրքի էջերը՝ նշելով, որ որևէ խնդիր չի տեսնում. «Կարծիքները կարող են տարբեր լինել»,֊ ասաց նա։
Հիշեցնենք, որ Բաթոյանը խստորեն դատապարտել էր օրերս «Բուկինիստ» սրճարանում տեղի ունեցածը, երբ փորձ է արվել խափանել «Սեռական բռնության ճգնաժամային կենտրոն» ՀԿ-ի կազմակերպած «Իմ մարմինն անձնական է» գրքի շնորհանդեսը. «Մի գիրք, որի նպատակն է կանխարգելել երեխաների նկատմամբ սեռական բռնությունը։ Վերը նշված կազմակերպությունը նախարարության միակ գործընկերն է, որը Հայաստանում մատուցում է մասնագիտացված ծառայություններ սեռական բռնության ենթարկված անձանց»,֊ ֆեյսբուքի իր էջում գրել էր Բաթոյանը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
