ՀՀ-ի ու Չիլիի միջև մուտքի արտոնագրի պահանջը վերացվեց դիվանագիտական և պաշտոնական անձնագրեր ունեցող անձանց համար
Արտաքին Քաղաքական
Գործադիրը հաստատեց Հայաստանի Հանրապետության կառավարության և Չիլիի Հանրապետության կառավարության միջև դիվանագիտական և պաշտոնական անձնագրեր ունեցող անձանց համար մուտքի արտոնագրի պահանջի վերացման մասին համաձայնագիրը: Այս մասին հարցը կառավարության մայիսի 10-ի նիստում ներկայացրեց ՀՀ արտաքին գործերի նախարար Զոհրաբ Մնացականյանը:
«Նշված համաձայնագիրը նպատակ ունի աջակցելու, խթանելու Հայաստանի և Չիլիի միջև քաղաքական երկխոսության և բոլոր բնագավառներում համաչափ և բնականոն հունով զարգացումը խթանելու նպատակը: Այս համաձայնագիրը որևէ ֆինանսական պարտավորություններ նախատեսող դրույթներ չունի, չունի նաև Հայաստանի համար գույքային պարտավորություններ նախատեսող դրույթներ»,- ասաց Մնացականյանը:
2014 թվականին Չիլիի Հանրապետություն պաշտոնական այց է կատարել Հայաստանի Հանրապետության Նախագահ Սերժ Սարգսյանը, որի շրջանակներումստորագրվել է «Հայաստանի Հանրապետության արտաքին գործերի նախարարության և Չիլիի Հանրապետության արտաքին գործերի նախարարության միջևհամագործակցության մասին» փոխըմբռնման հուշագիր: 2015թ. ապրիլի 14-ին Չիլիի Կոնգրեսի պատգամավորների պալատն ընդունել է Հայոցցեղասպանությունը ճանաչող և դատապարտող բանաձև:
2016թ. մայիսին Չիլիի Կոնգրեսի պատգամավորների պալատն ընդունեց բանաձև, որը դատապարտում էր ապրիլի 1-2-ը Լեռնային Ղարաբաղի բնակչության դեմիրագործված ադրբեջանական ագրեսիան և կոչ անում դադարեցնել այն:
Հայաստանի և Չիլիի միջև հարաբերությունները ներկայումս շարունակում են զարգանալ համագործակցային և բարեկամական ոգով:
Հայաստանի Հանրապետության Կառավարության և Չիլիի Հանրապետության Կառավարության միջև դիվանագիտական և պաշտոնական անձնագրեր ունեցողանձանց համար մուտքի արտոնագրի պահանջի վերացման մասին» համաձայնագրի հաստատման արդյունքում Չիլիի Հանրապետության հետհարաբերություններում ակնկալվում է առավել սերտ համագործակցության ծավալում, բարձրաստիճան փոխայցելությունների ակտիվացում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
