Նախարարությունն առաջարկում է խստացնել ապօրինի անտառահատումների համար սահմանված պատիժները
Իրավունք
ՀՀ բնապահպանությունն առաջարկում է մի քանի օրենսգրքերում փոփոխություններ կատարելով խստացնել ապօրինի անտառահատումների համար սահմանված պատիժները: Այս մասին կառավարության մայիսի 10-ի նիստում հայտնեց ՀՀ բնապահպանության նախարար Էրիկ Գրիգորյանը, ներկայացնելով «Հայաստանի Հանրապետության քրեական օրենսգրքում փոփոխություններ կատարելու մասին», «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին» և «Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքների նախագծերի փաթեթը:
«Այս փաթեթը միտված է հիմնականում ապօրինի անտառհատումների դեպքերի նվազեցմանը, և իրավախախտումների հետևանքով պատիժների խստացմանը: Տվյալ փաթեթի շրջանակում փորձ է արվել ամբողջովին փակել բոլոր հնարավոր ռիսկերը, և ապօրինի անտառհատումների դեպքում պատասխանատվությունը բարձրացնել այն աստիճանի, որպեսզի համահունչ լինի Բնապահպանության նախարարության` կանխարգելուն ուղղված քաղաքականությանը»,- ասաց Գրիգորյանը:
Նախագծերի ընդունման դեպքում, խստացվում է քրեական պատասխանատվությունը ծառերի, թփերի և բուսածածկի ապօրինի հատման համար: Քրեական պատասխանատվություն է նախատեսվում ծառերի, թփերի ապօրինի հատման համար վարչական պատասխանատվության ենթարկվելուց հետո մեկ տարվա ընթացքում նույն արարքը կրկին կատարելու համար:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
