Ես վարչապետն եմ Նիկոլ, լա-լա՜, լա-լա-լա-լա՜...

Օրվա թոփ թեման ՀՀ վարչապետ Նիկոլ Փաշինյանին և կնոջը՝ Աննա Հակոբյանի, Չինաստան այցի ընթացքում պեկինյան ձևով պատրաստած և հյուրասիրած բադն էր, որի վերաբերյալ իր զարմանքն ու հիացմունքն էր հայտնել վարչապետը, ասելով թե՝  «ցնցված ենք չինական հյուրընկալությունից»:

Այս առիթով համացանցում ծաղրում էին վարչապետին, թե ուր գնում՝ ուտում է: Ֆեյսբուքի օգտատերերը հիշել էին պաշտոնավարման ընթացքում տարբեր միջոցառումների այցելած Փաշինյանի «կուշտ փորով հաց ուտելը»: Նմանատիպ միջոցառումներից հետո քննարկման թեման Փաշինյանի ախորժակն էր լինում:

Համացանցում տեսանյութեր էին տարածվել նաև վարչապետի համտեսներից՝ «Պույ-պույ մկնիկի» երգի ներքո: Օգտատերերը վարչապետին նմանեցնում էին հայտնի մուլտֆիլմի հերոսին, որն այնքան է ուտում, որ չի կարողանում դուրս գալ հսկա կոկոսի մեջից և սկսում է սրտնեղել, թե ինչո՞ւ է այդքան ագահորեն կերել: Այս դեպքում էլ ՀՀ հպարտ քաղաքացիներին անհանգստացնում էր՝ «բա որ հանկարծ վարչապետը չկարողանա՞ ինքնաթիռում տեղավորվել»:

Օգտատերերից մեկն էլ դիմելով Փաշինյանին՝ գրել էր, թե ինչ սրտով էր բադ ուտում, երբ ամբողջ երկիրը խառնվել էր իրար, ժողովուրդը բաժանվել էր դիմադիր ու ընդդիմադիրների՝ նկատի ունենալով ՀՀ 2-րդ նախագահ Ռոբերտ Քոչարյանի գործով ընթացող դատական նիստերը:

Մի դրվագ հիշեցինք. «Իմանայինք հաց չէինք ուտի» Փաշինյանն ասել էր վերջերս վարչապետի՝ Գեղարքունիք կատարած այցի ժամանակ ավանդական ուտեստները համտեսելիս: Ի դեպ, նմանատիպ արտահայտություն արել էր նաև նախկին ԱԺ նախագահ Հովիկ Աբրահամյանը՝ Եվրախորհրդարանի նախագահ Մարտին Շուլցի կողմից հրավիրված նախաճաշին: Հատկանշանականն այն է, որ այն ժամանակ հենց Նիկոլ Փաշինյանն ու իր թիմն էին ծաղրում Աբրահամյանին նրա արած հետևյալ՝ «որ իմանայինք այսպիսի ճոխ, պինդ զավտրիկ կանեինք, մենք իրիկունը ուժին չէինք անի»  արտահայտության համար:

Ինչպես հաճախ ասում են՝ բան էլ չի փոխվել, միայն անձերն են փոխվել:

Ինչևիցե, վարչապետի կերած հացը հարամ չանենք, հալա՛լ լինի, պարո՛ն վարչապետ... 

Ստորև ներկայացնում ենք քաղվածք համացանցից: Տեսեք, թե ինչ գրառումներ են անում օգտատերերը թեմայի վերաբերյալ.