Առաջին ալիքը չեղարկել է «Ձայնը» նախագծում Ալսուի դստեր հաղթանակը

«Առաջին ալիքը» չեղյալ է հայտարարել «Ձայնը» նախագծի եզրափակչի արդյունքները, որում հաղթանակ է տարել Ալսուի դուստրը՝ Միկելա Աբրամովան։ Ընկերությունը, որը վերստուգել է «Մանկական ձայնը» նախագծի եզրափակչի եւ սուպերեզրափակչի քվեարկությունը, ձայների արհեստական ավելացում է նկատել․ հաստատվել է նախագծի մասնակիցների մեկի օգտին հաղորդագրությունների կենտրոնացած ավտոմատ ուղարկման փաստը։

Ինչպես տեղեկացնում է «lenta.ru»-ն, մասնակիցներից մեկի օգտին կարճ համարին հաղորդագրությունների ուղարկմանը մասնակցել է 300 հեռախոսահամար, որոնք պատկանում են նույն օպերատորին։ Դրանցից ուղարկվել է ավելի քան ութ հազար հաղորդագրություն։ Նշվում է, որ բոլոր հեռախոսահամարներն օգտագործել են նույն սակագինը։ Ստուգման պահին բոլորն անհասանելի են եղել։