ԲԴԽ-ի այսօրվա նիստը չեղարկվել է

«Բարձրագույն դատական խորհրդի նիստի այսօր կայանալիք նիստը չեղարկվել է»,-այս մասին լրագրողներին հայտնեց Բարձրագույն դատական խորհրդի մամուլի և հասարակայնության հետ կապերի ծառայության պետ Արման Խաչատրյանը։

Հիշեցնենք, որ երեկ երեկոյան ԲԴԽ-ն հայտարարությամբ էր հանդես եկել, որում անընդունելի էր համարել ՀՀ վարչապետի կոչով դատարանների բնականոն գործունեության խաթարումը և նշել, որ ստեղծված իրավիճակի առնչությամբ  ամբողջական դիրքորոշում կարող է արտահայտել այսօր կայանալիք խորհրդակցությունից հետո հրավիրվող նիստում: ԲԴԽ-ն միաժամանակ կոչ էր արել դատավորներին և դատական իշխանության բոլոր աշխատակիցներին դրսևորել ծայրահեղ զսպվածություն, բացառապես մնալ իրավական դաշտում։