Դեղին քարտ ենք ցույց տալիս այս իշխանությանը. Գեղամ Մանուկյան

«Դեղին քարտ ենք ցույց տալիս այս իշխանությանը»։ Այս մասին այսօր հանրահավաքի իր ելույթում հայտարարեց ՀՅԴ֊ական Գեղամ Մանուկյանը՝ նշելով, որ նախազգուշացնում են և ակնկալում լրջացում։

«Այս հրապարակը 30 տարի տեսել է բազում հանրահավաքներ, սակայն առաջին անգամ այս հանրահավաքը հավաքել է մեր քաղաքացիներին, որ իշխանություններին ասի՝ լրջացեք, որովհետև վիճակն է լուրջ և այսպես շարունակեմ չի կարլի։ Հավաքվել ենք՝ ասելու՝ մենք էլ ենք ժողովուրդ, ասելու մենք լուրջ մտահոգություններ ունենք, ասելու, որ լուրջ պահանջներ ունենք, ասելու՝ մեր խոսքն էլ պետք է լսվի», ֊ ասաց նա։

Նա նշեց, որ երկրում ջրբաժանները շատացել են, ջրբաժաններ, որ դրեցին իշխանությունները սև ու սպիտակ, հեղափոխական ու հակահեղափոխական, արցախցի ու գյումրեցի, և այլ առումով։ «Եկել ենք ասելու, որ թույլ չենք տա, որ մեր երկրում լինի 1 մարդու կարծիք, մենք ասում ենք՝ 1 կարծիքը դիկտատուրա է և մեր երկրում բացառվում է»֊ ասաց Մանուկյանը