19-ամյա կնոջ 38 շաբաթական պտուղը մահացել է․ մեղադրվում է բժիշկը

SHAMSHYAN.com-ի տեղեկություններով՝ ոստիկանության Իջևանի բաժնի հետաքննչական բաժանմունքում նյութեր են նախապատրաստվում երեկ՝ մայիսի 24-ին, ոստիկանության Իջևանի բաժին դիմած 19-ամյա Անահիտ Տ.-ի դիմումի փաստով։ Վերջինս ոստիկանությունում հայտնել է, որ մայիսի 4-ին, ժամը 12։00-ի սահմաններում ինքը 38 շաբաթական հղիության մեջ ունեցել է ցավեր և դիմել է Իջևանի հիվանդանոց, որտեղ բժշկի մասնագիտական պարտականությունների ոչ ճիշտ կատարման պատճառով իր 38 շաբաթական պտուղը մահացել է։ Աղբյուրի տեղեկություններով՝ Անահիտ Տ.ի հայտնած բժիշկը Էդվարդ Ֆրանգուլյանն է։