Միտինգավորները հրաժարվեցին պատգամավորների հետ շփումից (տեսանյութ, լուսանկարներ)

Արդեն տեղեկացրել ենք, որ Ազգային ժողովի դիմաց «Ահազանգ» նախաձեռնության անդամները ակցիա էին սկսել ընդդեմ համահարթ հարկման նախագծի: Ակցիայի մասնակիցների խոսքով՝ իրենք հանդիպել են երկու խմբակցությունների՝ «Բարգավաճ Հայաստան»-ի և «Լուսավոր Հայաստան»-ի ներկայացուցիչների հետ և խմբակցությունների պատասխանները բավարարել են իրենց:

Այսօր ակցիայի մասնակիցները հանդիպում էին պահանջում «Իմ քայլը» խմբակցության ղեկավար Լիլիթ Մակունցի հետ: Մինչև Լիլիթ Մակունցի հետ հանդիպումը, ակցիայի մասնակիցների հետ հանդիպեցին Աժ տնտեսական հարցերի մշտական հանձնաժողովի նախագահ Բաբկեն Թունյանը, պատգամավորներ Հայկ Գևորգյանը, Տիգրան Կարապետյանը:

Պատգամավորները ցանկանում էին ազատ քննարկում սկսել ակցիայի մասնակիցների հետ, սակայն նրանք հրաժարվեցին, պնդելով, որ նախկինում հրավիրել են պատգամավորներին քննարկումների, սակայն մերժվել են: Մինչև պատգամավորների հեռանալը կողմերը որևէ կերպ համաձայնության չեկան:

Ասպրամ Փարսադանյան