Իտալիայում համընդհանուր գործադուլ․ հարյուր հազարավոր մարդիկ դուրս են եկել փողոց Պուտին․ Արևմուտքի աջակցությունը Ուկրաինային ծառայում է սեփական շահերին Դանիել Դևիս․ պատերազմի շարունակությունը կարող է կործանարար լինել Ուկրաինայի համար Բեռլինում հազարավոր երիտասարդներ դուրս են եկել փողոց՝ ընդդեմ զորակոչի Ռուսական հրթիռներ՝ ՆԱՏՕ-ի տարածքո՞ւմ․ Լեհաստանը խոսում է սադրանքի մասին «Մոսադի» ղեկավարը Վաշինգտոնում կոչ է արել վերսկսել Իրանի դեմ հարվածները Ֆիդանը քննադատել է ՆԱՏՕ-ին․ «Մեր անվտանգությունը Մերձավոր Արևելքում չի ապահովվել» Լոռու մարզի որոշ բնակավայրերում գազանջատումներ կլինեն «Գրոսսին լրտես է»․ Իրանում պահանջում են արգելել միջուկային գործակալության ղեկավարի մուտքը Գազայի համար խոստացված 17 միլիարդից 2 տոկոսն էլ չկա․ բանագնացը մեկնում է Մոսկվա Միլիարդների խաղ․ GTA VI-ը վաճառքի և ժողովրդականության նոր ռեկորդներ է սահմանում Թուրքիան ստացել է առաջին երեք «Քըզըլէլմա» անօդաչու կործանիչները․ հայտարարվում է նոր փուլ 

Ռուբեն Ռուբինյանը և Կոնստանտին Կոսաչևը հայտարարություն են ստորագրել

Հասարակություն

 Մայիսի 30-ին Մոսկվայում է գտնվել ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանի գլխավորած պատվիրակությունը՝ մասնակցելու ՀՀ ԱԺ արտաքին հարաբերությունների մշտական հանձնաժողովի եւ ՌԴ ԴԺ Դաշնության խորհրդի միջազգային հարցերով կոմիտեի համատեղ նիստին:

Ինչպես հայտնեցին ՀՀ Ազգային ժողովի լրատվության և հանրության հետ կապերի վարչությունից, պատվիրակության կազմում են եղել ԱԺ պատգամավորներ Անուշ Բեղլոյանը («Իմ Քայլ» խմբակցություն), Սոս Ավետիսյանը («Իմ Քայլ» խմբակցություն), Արման Աբովյանը («Բարգավաճ Հայաստան» խմբակցություն) եւ Արման Բաբաջանյանը («Լուսավոր Հայաստան» խմբակցություն):

Այցի շրջանակում պատվիրակությունը հանդիպում է ունեցել ՌԴ ԴԺ Դաշնության խորհրդի նախագահի տեղակալ Յուրի Վորոբյովի հետ: Ռուսաստանյան կողմից հանդիպմանը ներկա են եղել ՌԴ ԴԺ Դաշնության խորհրդի պաշտպանության եւ անվտանգության կոմիտեի նախագահ Վիկտոր Բոնդարեւը, միջազգային հարցերով կոմիտեի ներկայացուցիչներ Վլադիմիր Ջաբարովը, Սերգեյ Կիսլյակը, Իգոր Ղահրամանյանը, Վլադիմիր Լուկինը, Օլգա Տիմոֆեեւան եւ այլոք:

Յորի Վորոբյովը գոհունակությամբ արձանագրել է Հայաստանի եւ Ռուսաստանի միջեւ բարեկամական եւ դաշնակցային հարաբերությունների շարունակականությունը: Միջխորհրդարանական համագործակցության համատեքստում կարեւորվել է հայ-ռուսական միջխորհրդարանական հանձնաժողովի հետեւողական աշխատանքը:

ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանն իր խոսքում գոհունակությամբ նշել է, որ երկու երկրների միջեւ ձեւավորված է ամուր քաղաքական երկխոսություն՝ ընդգծելով, որ Հայաստանն ու Ռուսաստանը դաշնակցային եւ ռազմավարական գործընկերներ են: Ռուբեն Ռուբինյանը կարեւորել է Ռուսաստանի՝ որպես ԵԱՀԿ Մինսկի խմբի համանախագահի ջանքերը եւ դերը՝ ուղղված Լեռնային Ղարաբաղի հակամարտության խաղաղ կարգավորման եւ տարածաշրջանում խաղաղության եւ կայունության ապահովման հարցում:

ՌԴ ԴԺ Դաշնության խորհրդի միջազգային հարցերով կոմիտեի նախագահ Կոնստանտին Կոսաչեւը գոհունակությամբ ընդգծել է պրոֆիլային հանձնաժողովների ձեւաչափի արդյունավետությունը՝ նշելով, որ այն բաց եւ թափանցիկ քննարկումների հարթակ է, որը թույլ է տալիս ուսումնասիրել երկու երկրների փորձը, համակարգված փոխգործակցությունը միջազգային հարթակներում եւ ուրվագծել նոր հեռանկարներ:

Հանդիպմանը մասնակցել է նաեւ Ռուսաստանի Դաշնությունում ՀՀ արտակարգ եւ լիազոր դեսպան Վարդան Տողանյանը: 

Հանձնաժողովների համատեղ նիստի օրակարգում ընդգրկված հարցերը վերաբերում էին Հարավային Կովկասում գլոբալ եւ տարածաշրջանային անվտանգության մարտահրավերներին, ԱՊՀ-ում, ՀԱՊԿ-ում եւ ԵԱՏՄ-ում հայ-ռուսական ռազմավարական համագործակցությանը, ինչպես նաեւ միջազգային հարթակներում համագործակցության հեռանկարներին:

Նիստում քննարկվել են նաեւ փոխադարձ հետաքրքրություն ներկայացնող այլ հարցեր:

Համատեղ նիստի արդյունքներով կողմերն ընդունել են համատեղ հայտարարություն: 

Ռուսաստանի Դաշնության Դաշնային ժողովի Դաշնության խորհրդի միջազգային հարցերով կոմիտեի եւ ՀՀ Ազգային ժողովիարտաքին հարաբերությունների մշտական հանձնաժողովի համատեղ հայտարարություն

30 մայիսի 2019 թ. ք. Մոսկվա

ՌԴ Դաշնային ժողովի Դաշնության խորհրդի միջազգային հարցերով կոմիտեի եւ ՀՀ Ազգային ժողովի արտաքին հարաբերությունների մշտական հանձնաժողովի (այսուհետ` Կողմեր) համատեղ չորրորդ նիստը, համաձայն նախապես ձեռք բերված պայմանավորվածությունների, տեղի ունեցավ 2019 թվականի մայիսի 30-ին, Մոսկվայում:

Նիստի ընթացքում կողմերը նշել են, որ անցած ժամանակահատվածում երկու երկրների միջեւ պահպանվել են հարաբերությունների, բարեկամության եւ համագործակցության որակական զարգացումն ու ամրապնդումը: Հատուկ ընդգծվել է շարունակական համակարգված փոխշահավետ երկխոսությունը՝ երկկողմ համագործակցության բոլոր ուղղություններով:

Համատեղ նիստի ընթացքում քննարկվել են միջազգային օրակարգին եւ ռազմավարական համագործակցությանը վերաբերող արդիական հարցեր, այդ թվում նաեւ այնպիսիք, որոնք օրակարգային են միջազգային խորհրդարանական կառույցներում եւ միջազգային խորհրդարանական հարթակներում:

Կողմերն ընդգծել են միջազգային օրակարգի հարցերի շուրջ դիրքորոշումների եւ շահերի շարունակական մերձեցումը կամ համընկնումը, մասնավորապես աշխարհակարգի կառուցման առնչությամբ՝ հիմնված բազմաբեւեռության եւ համագործակցության ամրապնդման, միջազգային ժողովրդավարական ինստիտուտների, երկու երկրների ինքնիշխանության նկատմամբ փոխադարձ հարգանքի եւ միջազգային իրավունքի համընդհանուր սկզբունքների եւ նորմերի պահպանման հիման վրա:

Կողմերը քննարկել են հայ-ռուսական դաշնակցային ռազմավարական համագործակցությանը վերաբերող արդիական հարցեր: Գոհունակությամբ արձանագրել են, որ հարաբերությունները պահպանում են շարունակականությունը եւ ունեն իրենց նշանակալից ներդրումը երկկողմ իրավա - պայմանագրային հենքի զարգացման գործում՝ հիմնված 1997 թ. օգոստոսի 29-ի «Հայաստանի Հանրապետության եւ Ռուսաստանի Դաշնության միջեւ բարեկամության, համագործակցության եւ փոխադարձ օգնության մասին» պայմանագրի, 2000 թ. սեպտեմբերի 26-ին ընդունված «Հայաստանի Հանրապետության եւ Ռուսաստանի Դաշնության միջեւ XXI-րդ դար ուղղված դաշնակցային համագործակցության մասին» հռչակագրի վրա:

Քննարկելով գլոբալ անվտանգությանը եւ տարածաշրջանային մարտահրավերներին վերաբերող հարցեր: Կողմերն արձանագրել են աշխարհում առկա իրավիճակի պահպանվող անկայունությունը, ընդգծել ուժի կամ ուժի սպառնալիքի կիրառման անթույլատրելիությունը, նշել բաժանարար գծերի առկայությունը:

Կողմերը դեմ են արտահայտվել քաղաքական եւ տնտեսական պատժամիջոցների, ինչպես նաեւ այլ միակողմանի սահմանափակող միջոցների կիրառմանը՝ ուղղված Կողմերի վրա ճնշում գործադրելուն, կողմ են արտահայտվել ՄԱԿ-ի եւ դրա կառույցների ամրապնդման անհրաժեշտությանը: Ընդգծել են ԵԱՀԿ եւ միջազգային մանդատ ունեցող այլ ճանաչված հաստատությունների կարեւոր դերը ժամանակակից միջազգային խնդիրների կարգավորման հարցում՝ միջազգային իրավունքի նորմերի լիարժեք պահպանմամբ՝ բացառելով դրանց ընտրովի կիրառումը:

Կողմերը հաստատել են իրենց հանձնառությունը Լեռնային Ղարաբաղի հակամարտության բացառապես խաղաղ կարգավորմանը՝ ԵԱՀԿ Մինսկի խմբի համանախագահության հովանու ներքո, բացառելով ցանկացած քայլ եւ ռազմատենչ հռետորաբանություն, որոնք կարող են հանգեցնել ուժի կամ ուժի սպառնալիքի կիրառման: Կողմերն ընդգծել են հրադադարի ռեժիմի պահպանման կարեւորությունը եւ այն ամրապնդելու իրենց հանձնառությունը: Հատուկ միջոցները, որոնց կիրառման մասին պայմանավորվածություն է ձեռք բերվել 2016 թ. Վիեննայի եւ Սանկտ Պետերբուրգի գագաթաժողովներում, ինչպես նաեւ Հայաստանի եւ Ադրբեջանի ղեկավարների միջեւ 2018 թ. Դուշանբեում ձեռք բերված պայմանավորվածությունները պետք է իրականացվեն:

Կողմերը բարձր են գնահատել ձեռքբերումները, որոնք վերաբերում են երկկողմ կապերի համակարգային զարգացմանը եւ Եվրասիական տնտեսական միության, Հավաքական անվտանգության պայմանագրի կազմակերպության, Անկախ պետությունների համագործակցության գործունեության շրջանակներում հայ-ռուսական արդյունավետ համագործակցությանը:

Բացի վերոնշյալից, Կողմերն աջակցություն են հայտնել ՀԱՊԿ շրջանակում համատեղ ջանքերին՝ ուղղված Հարավային Կովկասի խաղաղ զարգացմանը եւ կայունության ապահովմանը, ինչպես նաեւ հետագա ծրագրերին: Հայաստանի եւ Ռուսաստանի միջեւ դաշնակցային հարաբերությունների փոխադարձ ամրապնդման ուղղությամբ՝ տարածաշրջանում անվտանգության ապահովման համար:

Կողմերն իրենց աջակցությունն են հայտնել 2019թ. մայիսի 20-ին Բիշքեկում կայացած ՀԱՊԿ խորհրդարանական վեհաժողովի Խորհրդի նիստի որոշումներին, ինչպես նաեւ 2019թ. մայիսի 22-ին կայացած ՀԱՊԿ անդամ պետությունների արտաքին գործերի նախարարների Խորհրդի նիստի ընթացքում ընդունված փաստաթղթերին:

Կողմերն ընդգծել են ինչպես միջազգային, այնպես էլ տարածաշրջանային մակարդակներում համագործակցության ամրապնդմանն ուղղված քայլերի շարունակականության կարեւորությունը՝ նպատակ ունենալով հակազդել ծայրահեղականությանը եւ ապօրինի միգրացիային, ահաբեկչության, թմրամիջոցների եւ այլ արգելված դեղորայքի ապօրինի շրջանառության դեմ պայքարին:

Քննարկելով եվրասիական ինտեգրացիոն գործընթացի ընթացքը: Կողմերն ընդգծել են տնտեսական ինտեգրման հետ կապված հարցերի ամբողջական շրջանակի հետագա զարգացման կարեւորությունը` նպատակ ունենալով հասնել Եվրասիական տնտեսական միության առջեւ դրված նպատակների եւ խնդիրների լուծմանը՝ դիտարկելով կառույցը որպես ժամանակակից, արդյունավետ եւ մրցունակ միջազգային միավորում, որը նպաստում է ինտեգրացիոն փոխգործակցության ամրապնդմանը եւ իր մեջ մտնող անդամ երկրների տնտեսությունների հավելյալ աճին: Բացի դրանից, Կողմերը գոհունակությամբ արձանագրել են 2019թ. մայիսի 29-ին Նուր-Սուլթանում կայացած Բարձրագույն Եվրասիական տնտեսական խորհրդի նիստի արդյունքները:

Կողմերը նշել են առեւտրատնտեսական փոխգործակցության ամրապնդման ոլորտում հաջողությունների եւ 2018 թ. երկկողմ ապրանքաշրջանառության աճի ավելացման, Եվրասիական տնտեսական միության շրջանակում տնտեսական համագործակցության առնչությամբ պահպանվող նշանակալի հեռանկարների մասին: Հաստատել են իրենց պատրաստակամությունը՝ շարունակելու աշխատանքները դրամաշրջանառության, ապրանքների, աշխատուժի եւ ծառայությունների ազատականացման դյուրացման համար անհրաժեշտ պայմանների իրականացման ուղղությամբ՝ նպատակ ունենալով ապահովել բարենպաստ ներդրումային միջավայր եւ կարգավորել միջտարածաշրջանային կապերը:

Վերլուծելով երկկողմ համագործակցության ներկա վիճակը միջազգային խորհրդարանական կառույցներում եւ միջազգային խորհրդարանական հարթակներում, ինչպիսիք են ԱՊՀ ՄԽՎ, ՀԱՊԿ ԽՎ, ՄԽՄ, ՍԾՏՀ ԽՎ, ԵԱՀԿ ԽՎ, ԵԽԽՎ, ՈՒՄՎ, Կողմերն արձանագրել են երկու երկրների փոխգործակցության դրական ընթացքը, ինչը թույլ է տալիս միջխորհրդարանական երկխոսության երկկողմ հարաբերությունների շրջանակում մշակել հանրամատչելի մոտեցումներ, պատրաստակամություն են հայտնել շարունակել համակարգել իրենց գործողությունները միջազգային խորհրդարանական կազմակերպությունների գործունեության մասով:

Կողմերը գոհունակություն են հայտնել 2019թ. ապրիլի 6-10-ը Դոհա քաղաքում (Քաթար) միջխորհրդարանական միության 140-րդ վեհաժողովի շրջանակներում շփումների եւ փոխգործակցության ընթացքում ձեռք բերված պայմանավորվածությունների հետեւողական իրականացման կապակցությամբ:

Կողմերը պայմանավորվել են 1941-1945թթ. Հայրենական մեծ պատերազմի 75-ամյակի տոնակատարությունների նախապատրաստման շրջանակներում՝ հանդիսավոր միջոցառումներին մասնակցության նպատակով, խորհրդարանական պատվիրակությունների ձեւավորման եւ դեպի Ռուսաստան ու Հայաստան գործուղումներին աջակցելու հարցում:

Կողմերը հաստատում են, որ համատեղ նիստերի անցկացման ձեւավորված փորձն ապահովում է երկկողմ հարաբերությունների տարբեր բնագավառներում համատեղ խնդիրների լուծման մոտեցումների շարունակականությունը, լրացուցիչ ազդակ է հաղորդում ազգային օրենսդրությունների զարգացմանն ու ներդաշնակեցմանը, Կողմերի միջեւ որակական երկխոսության համար ապահովում է նոր հնարավորություններ եւ ստեղծում մշտական հարթակ՝ արդիական հարցերի եւ խնդիրների լայն շրջանակի վերաբերյալ փորձագիտական կարծիքների փոխանակման համար:

Կողմերը պայմանավորվել են հաջորդ համատեղ նիստն անցկացնել Հայաստանի Հանրապետության մայրաքաղաք Երեւանում, 2019 թվականի երկրորդ կեսին: 

Հայտարարությունը ստորագրել են Ռուբեն Ռուբինյանը եւ Կոնստանտին Կոսաչեւը:

 

Հետևե՛ք Euromedia24-ին
Youtube-ում`
Ռուսաստանն առաջարկել է Իրանից տեղափոխել միջուկային վառելիքի մի մասըԻտալիայում համընդհանուր գործադուլ․ հարյուր հազարավոր մարդիկ դուրս են եկել փողոցՄոլդովան հավանություն է տվել Ուկրաինայի հետ ռազմական համաձայնագրինՆԱՏՕ-ի հետախուզական անօդաչուն Սև ծովում կրկին կորցրել է կապըԱՄՆ-ը թույլատրել է Չինաստանին վաճառել 879 հազար AI չիպՊուտին․ Արևմուտքի աջակցությունը Ուկրաինային ծառայում է սեփական շահերինԴանիել Դևիս․ պատերազմի շարունակությունը կարող է կործանարար լինել Ուկրաինայի համարԲեռլինում հազարավոր երիտասարդներ դուրս են եկել փողոց՝ ընդդեմ զորակոչիՌուսական հրթիռներ՝ ՆԱՏՕ-ի տարածքո՞ւմ․ Լեհաստանը խոսում է սադրանքի մասին«Մոսադի» ղեկավարը Վաշինգտոնում կոչ է արել վերսկսել Իրանի դեմ հարվածներըՖիդանը քննադատել է ՆԱՏՕ-ին․ «Մեր անվտանգությունը Մերձավոր Արևելքում չի ապահովվել»Լոռու մարզի որոշ բնակավայրերում գազանջատումներ կլինեն Լագարդը զգուշացնում է Եվրոպային՝ կիբեռսպառնալիքները և տնտեսական ռիսկերը մեծանում են«Գրոսսին լրտես է»․ Իրանում պահանջում են արգելել միջուկային գործակալության ղեկավարի մուտքըԲրիտանիան հաստատել է կիբեռգործողությունները Ռուսաստանի և Չինաստանի դեմԳազայի համար խոստացված 17 միլիարդից 2 տոկոսն էլ չկա․ բանագնացը մեկնում է ՄոսկվաՌուսաստանն ու Ուզբեկստանը ստորագրել են 2027 թվականի ռազմական համագործակցության ծրագիրՄիլիարդների խաղ․ GTA VI-ը վաճառքի և ժողովրդականության նոր ռեկորդներ է սահմանումԹուրքիան ստացել է առաջին երեք «Քըզըլէլմա» անօդաչու կործանիչները․ հայտարարվում է նոր փուլՌուսաստանը չի տեսնում միջուկային բանակցությունների արագ վերսկսման հիմքերԷստոնիան դեկտեմբերի 1-ից փակում է Ռուսաստանի հետ ավտոանցակետերը11 տարվա աշխատանք՝ հանուն առողջ մաշկի․ անվանի բժշկի ստեղծած Արմոդերմը՝ միջազգային շուկայի ճանապարհինBIGBANG-ի անակնկալ երգը․ ի՞նչ է նշանակում «GiiiRIP» անունըՀարավային Կորեայում քննություններին իրենց հետ գաջեթներ բերող ուսանողները կարող են բանտարկվելՄերցը պատրաստ է մեղմել Ռուսաստանի դեմ պատժամիջոցները․ ո՞րն է Բեռլինի պայմանըԻրանը հերքել է ԱՄՆ-ի մեղադրանքները քիմիական և կենսաբանական զենքի մասինՇարմազանովը՝ Փաշինյանին․ Ալիևի պահանջը կատարելուց հետո ինձ ի՞նչ՝ վարչապետ կմնաս, թե՞ ոչԻրանի պատերազմը կանգնեցնելու փորձը տապալվել է․ ԱՄՆ Սենատում 48 ձայնը չի բավարարելՊենտագոնը զինամթերքի արտադրության երկարաժամկետ ծրագիր չունիԼը Պենի կուսակցության գրասենյակում խուզարկություն է անցկացվելԹրամփը Եվրոպային հորդորել է գործարքի գնալ Պուտինի հետ․ ո՞ւր կուղղվեն Ուկրաինայի գումարները«Բիթլզի» 1965-ի երգը նոր տեսահոլովակ ունի․ գլխավոր դերում Օուեն Քուպերն էԵրեկ Հաագայում պատմական վճիռ է կայացվել, որը կարևոր նախադեպ է նաև Արցախի հարցի համարՄոսկվան մերժում է Ուկրաինայի նույնիսկ «քվազիանդամակցությունը» ՆԱՏՕ-ինՀայաստանն ընդունել է Գազայից երեք պաղեստինցի երեխայի՝ մասնագիտացված բժշկական օգնություն ցուցաբերելու նպատակովՋեյմս Բլանթը ստացել է «Icon» մրցանակն ու իրեն համացանցային մեմ անվանելՏափերականի դպրոցի առաջին դասարանի ուսուցչուհին սկոտչով փակել է աշակերտների բերաններըԻնչո՞ւ Ստալոնեն չէր վաճառում «Ռոքիի» սցենարը․ այդ պատմությունն արդեն մեծ էկրանին էՅՈՒՆԻՍԵՖ․ Ուկրաինայում տասը ամսում 114 երեխա է զոհվել, 1 030-ը՝ վիրավորվելԸստ Կիևի՝ Թաթարստանում նավթի մեկ բաք է բռնկվել, ևս երկուսը վնասվել ենԱրամ Առաջինը հանդիպել է Լիբանանի նախագահի հետ Փոփոխություններ կլինեն վաղաժամ ծննդաբերության դեպքում հղիության և ծննդաբերության արձակուրդի տրամադրման կարգումԵՄ-ն Ուկրաինային փոխանցել է 7,9 միլիարդ եվրո՝ բարեփոխումների դիմացԳոհաբանության տոնից առաջ ԱՄՆ-ում մեկ գալոն բենզինի գինն իջել է մինչև 3,69 դոլարՇիրակի քրեական ոստիկանները թմրանյութի իրացումների շղթա են բացահայտել Թեհրանի ազատ շուկայում մեկ դոլարն արժե մոտ 270 հազար թումանՈւկրաինայում շուրջ 100 ուղևորատար գնացք է ուշանում․ որոշ չվերթների ուշացումը գերազանցել է 10 ժամըՄիջպետական և հանրապետական նշանակության բոլոր ավտոճանապարհները բաց ենՀորմուզով նավթի հոսքն աճել է․ «Բրենթի» գինն իջել է մինչև 91,36 դոլարՄեծ Բրիտանիայում էլեկտրաէներգիայի վճարները կշարունակեն աճել․ պետական աջակցությունը բավարար չէ
Ամենադիտված