Էջմիածնում մեքենայի միջից երեխաներին «նվերներ» են շպրտել (տեսանյութ)
Տեսանյութեր
Լրագրող Հասմիկ Համբարձումյանը ֆեյսբուքյան իր էջում լուսանկարներ ու տեսանյութ է հրապարակել Էջմիածնում կազմակերպված հունիսմեկյան տոնակատարությունից:
«Գնացել էինք Էջմիածին ու այն, ինչ տեսանք, ուղղակի սարսափելի էր»,- գրել է նա՝ նշելով, որ ինչ-որ մեկը որոշել էր ուրախացնել երեխաներին, մեքենաներով նվեր-խաղալիքներ էր բերել քաղաքի կենտրոն:
«Երբ բացեցին մեքենաների դռները, սկսվեց մի գրոհ երեխեքի ու իրանց մամաների, ով ինչքան խաղալիք պոկեր, թռցներ, հերոս էր։ Էլ չեմ ասում շոգից վատանալն ու ճչոցները։ Սա ուղղակի գռեհկություն էր, ամոթ, խայտառակություն»,- գրել է Համբարձումյանը:
Լրագրողի գրառմանն արձագանքել է Էջմիածնի քաղաքապետ Դիանա Գասպարյանը՝ տեղեկացնելով, որ կազմակերպիչները նախապես չէին իրազեկել քաղաքապետարանին, որի համար օրենքով սահմանված կարգով տուգանվելու են:
Իսկ քաղաքապետարանի կազմակերպած միջոցառումն, ըստ քաղաքապետի, հարակից տարածքում էր և շատ հաջողված էր:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
