Արդյո՞ք Դուք դարձել եք մտերիմ մարդ Նիկոլ Փաշինյանի համար․ պատգամավորը՝ Ջավադյանին (տեսանյութ)

ԱԺ-ում կենտրոնական բանկի գործունեության վերաբերյալ տարեկան հաղորդման ներկայացումն է ընթանում։ Զեկուցողը Կենտրոնական բանկի նախագահ Արթուր Ջավադյանն է։  «Լուսավոր Հայաստան» խմբակցության պատգամավոր Կարեն Սիմոնյանը Ջավադյանին հետևյալ հարցն ուղղեց, որն այդքան էլ չէր վերաբերվում Ջավադյանի զեկույցին։

«Որպես Կենտրոնական բանկի նախագահ՝ Դուք պաշտոնավարում եք արդեն երկու ժամկետ։ Սկզբից նշանակվել եք Ռոբերտ Քոչարյանի օրոք և համարվել եք նրա մտերիմներից, հետագայում վերանշանակվել եք Սերժ Սարգսյանի կողմից և շատ կարճ ժամանակում նույնպես մտերմացել եք նրա հետ։ Հեղափոխությունից հետո դուք շարունակում եք Ձեր պաշտոնավարումը և չեք պատրաստվում հրաժարական տալ, ինձ մոտ հարց է առաջանում՝ արդյո՞ք Դուք դարձել եք մտերիմ մարդ Նիկոլ Փաշինյանի համար»,-ասաց Սիմոնյանը։