ԱԺ-ն 1-ին ընթերցմամբ ընդունեց բնակլիմայական աղետների հետևանքով հողի հարկից ազատելու նախագիծը

 ՀՀ ազգային ժողովն առաջին ընթերցմամբ ընդունեց «Բարգավաճ Հայաստան» խմբակցության կողմից առաջարկված Հարկային օրենսգրքում լրացում կատարելու մասին օրենքի նախագիծը: Նախագիծը ստացավ 59 կողմ, 18 դեմ ձայներ, ձեռնպահ էր քվեարկել 5 պատգամավոր:

Նախագծով նախատեսվում է, որ գյուղատնտեսական նշանակության հողերը, տնամերձ եւ այգեգործական հողամասերը բնակլիմայական աղետների հետեւանքով (կարկուտ, երաշտ, ցրտահարություն եւ այլն) մշակաբույսերի, պտղատու այգիների առնվազն 50 տոկոս վնասվելու դեպքում տվյալ տարում ազատվելու են հողի հարկից: