Մտածե՞լ եք 1 տարով սառեցնել տոկոսադրույքները և ժողովրդին ասել՝ գնացեք-շնչեք (տեսանյութ)

Այսօր՝ հունիսի 5-ին, Ազգային ժողովում Հայաստանի 2018 թվականի պետական բյուջեի կատարման ցուցանիշները ներկայացնելուց հետո  Կենտրոնական բանկի նախագահ Արթուր Ջավադյանին «Բարգավաճ Հայաստան» խմբակցության պատգամավոր Սերգեյ Բագրատյանը հետևյալ հարցն ուղղեց․ «Դուք իսկապես հավատո՞ւմ եք, որ մեր վիճակը էդքան լավ ա, որ կարող ենք ասել՝ զգույշ լինենք, հանկարծ ավելորդ գումար չծախսենք։ Ես համոզված եմ, որ շատ վատ վիճակում ենք հատկապես բանկային համակարգի հետ կապված մեր հանրային ընկալումների մեջ։

Քաղաքացիներն ահավոր դժգոհ են բանկային համակարգից։ Ես չեմ տեսել որևէ սոցիալական հանձնառություն բանկային համակարգի կողմից պետության նկատմամբ, մի սոցիալական ծրագիր, որ բանկերը փորձեն ժողովրդի համար անե: Ես այսքան ժամանակ չեմ տեսել։ Որևէ գործիք առաջարկվե՞լ է պարտքերի տակ կքած մեր ժողովրդին։ Որևէ անգամ մտածե՞լ եք, օրինակ, մեկ տարով մինչև 5 միլիոն վարկերը  սառեցնել տոկոսադրույքները և ժողովրդին ասել էս մի տարին գնացեք-շնչեք»

Մանրամասնրեը՝ տեսանյութում։