Մենք պետք է հասկանանք՝ ոչ լեգիտիմ նախագահի կողմից առաջադրված թեկնածությունը լեգիտի՞մ է համարվում, թե՝ ոչ

Ազգային ժողովի երեք խմբակցություններն այսօր հանդես են գալիս ճեպազրույցներով: «Բարգավաճ Հայաստան»-ից Վահե Էնֆիաջյանը և Իվետա Տոնոյանն իրենց խոսքի սկզբում ներկայացրին «Բարգավաճ Հայաստան» խմբակցության ներկայացրած նախագիծը: Պատգամավորներն անդրադարձան նախորդ շաբաթ տեղի ունեցած աղմկահարույց դեպքերին:

 

 

Պատգամավոր Իվետա Տոնոյանը, հակիրճ անդրադառնալով թեմային, ասաց. «Մինչ այդ, նախորդ շաբաթ, բազմաթիվ անգամներ իմ գործընկերները առիթ ունեցել են խոսել այս գործընթացի մասին, որ առնվազն չորս անգամ նախագահի կողմից ՍԴ դատավորի թեկնածուի առաջադրումը , և խորհրդարանական մեծամասնության կողմից այդ թեկնածուներին մերժելը, առնվազն անլուրջ վերաբերմունք է ինչպես խորհրդարանի, այնպես էլ Սահմանադրության և նախագահի ինստիտուտի նկատմամբ: Մենք կոչ էինք արել երկու կողմերին՝ «Իմ քայլը» խմբակցությանը և նախագահի ինստիտուտին, որպեսզի արդար լինեն և ասեն, որ այս գործընթացների մեջ մի բան այն չէ: Ունեցանք այն, որ հաջորդ օրը նախագահի կողմից առաջադրվեց Վահե Գրիգորյանի թեկնածությունը: Ընդամենը մեկ տարի առաջ նույն Վահե Գրգորյանը Արմեն Սարգսյանին որակում էր որպես տխմարագույն ճառեր արտասանող դեմագոգ, որպես ոչ լեգիտիմ նախագահ: Այս դեպքում մենք պետք է հասկանանք՝ ոչ լեգիտիմ նախագահի կողմից առաջադրված թեկնածությունը լեգիտի՞մ է համարվում, թե ոչ»: