ԱԳ նախարարը՝ վիզաների ազատականացման մասին (տեսանյութ)
Քաղաքական2018 թվականի բյուջեի կատարարողականի հաշվետվությանը մասնակցում է Արտաքին գործերի նախարար Զոհրաբ Մնացականյանը։ «ԱԳՆ աշխատանքի կարևոր հատվածներից մեկը վիզաների ազատականացումն է»,- ասաց նախարարը։
Նա նշեց, որ ապաստանի հայցման դիմումների աճով պայմանավորված՝ ԵՄ մի շարք անդամ երկրներ զգայուն են միգրացիոն քաղաքականությանն առնչվող հարցերի հանդեպ, բացի դա՝ որոշ դեպքերում էլ ԵՄ անդամ երկրները հաշվի են առնում նախկինում վիզաների ազատականացման արդյունքում եղած ոչ բարեհաջող փորձը։ Նախարարը շեշտեց, որ Հայատանը միշտ կոչ է անում ԵՄ-ին յուրաքանչյուր երկրի պարագայում առաջնորդվել արժեքների ակզբունքով։
«Այս հարցը մշտապես գտնվում է մեր օրակարգի առաջնային հարցերի շրջանակում։ Այս առումով աշխատանքը տարվում է ինչպես ԵՄ հետ՝ հանձնաժողովի և խորհրդի միջոցով, այնպես էլ անդամ պետությունների միջոցով։ Փորձում ենք անդամ պետությունների հետ ապահովել երկխոսություն՝ փորձագիտական մակարդակով անմիջապես գնահատելու համար այն կարողությունները, ներուժը, որը ստեղծված է Հայաստանում ապահովելու համար վիզաների երկխոսության սկիզբը»,- եզրափակեց Մնացականյանը։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
