Ու՞մ է ծառայում ՀՀ Առողջապահության նախարարությունը. Մարինա Խաչատրյան

Արդեն նշել եմ առողջապահության նախարար Ա.Թորոսյանի սերտ ու անշրջելի կապը «Իրական մարդիկ, իրական աշխարհ» ՀԿ-ի հետ։

Այդ ՀԿ-ն Սորոսի հիմնադրամից 11 անգամ դրամաշնորհ է ստացել։ Վերջին 25.000 ԱՄՆ դոլար դրամաշնորհը ստացել է 2018թ-ի հուլիսին (ՀՀ առողջապահության նախարար Ա.Թորոսյան) Ժենյա Մայիլյանի անվամբ։ Դրամաշնորհի նպատակն է Հայաստանում պալիատիվ բժշկության և ցավազրկող դեղամիջոցների լայնամասշտաբ ներդրումը։ Խոսքը գնում է Օփիոիդների մասին։

Այսօր Մեդիա կենտրոնում տեղի ունեցավ ասուլիս, որին մասնակցում էր Եվա Ասրիբաբայանը։ Վերջինս հանդիսանում է հոգե-ուռուցքաբանության հայկական ասոցիացիայի գործադիր տնօրենը։ Այդ ասոցիացիայի նախագահ է Դավիթ Գևորգյանը։

Վերադառնալով Սորոսի դրամաշնորհների ցանկին հայտնաբերում ենք, որ Դավիթ Գևորգյանը 2018 թվականի նոյեմբերին (ՀՀ առողջապահության նախարար Ա.Թորոսյան) ստացել է 30.500 ԱՄՆ դոլար` Հայաստանում երկօրյա գիտաժողով կազմակերպելու համար։ Գիտաժողովը նվիրված է լինելու պալիատիվ բժշկությանը և ցավազրկողների ներդրմանը։

Միայն նշեմ, որ ցավում եմ, որ մենք չենք կարողացել կառուցել այնպիսի հզոր պետություն, որ արտաքին դրամաշնորհների փայլը մեր քաղաքացիներին «խոնարհվող» և  «գլխիկոր» չդարձնի։

Ասուլիսի ընթացքում հանրահայտ տիկին Լարիսան հայտարարեց, որ ժամանակին փորձել են իրենց ծրագերում ներգրավել երիտասարդ բժիշկներին, կրթական ծրագրեր ներդնել Երևանի Պետական Բժշկական Համալսարանում (չգիտեմ, թե որ տարիների մասին է խոսում)։ Սակայն, ԲՈւՀ-ի ղեկավարությունը դեմ է եղել Սորոսի ծրագրերի ներդրմանն ու երիտասարդների ընդգրկմանը այդ համակարգի մեջ։

Ի դեպ, սա շատ դրական է խոսում ԵրՊԲՀ ղեկավարության մասին։

Բայց արդյոք ՀՀ ԱՆ ղեկավարությունը նույնքան հաստատակամ է սորոսական ծրագրերից հեռու մնալու հարցում։ Եվ արդյո՞ք ՀՀ ԱՆ-ն ինքնիշխան կառույց է, ինչպես փորձում է ցույց տալ Ա. Թորոսյանը։

2018 թվականին ՀՀ ԱՆ կողմից տարածած հաղորդագրության մեջ նշվում է, որ առողջության օղակի բուժաշխատողների համար «ԲՀՀ» կազմակերպության աջակցությամբ կազմակերպվել են պալիատիվ բժշկական օգնության և սպասարկման վերաբերյալ վերապատրաստման դասընթացներ։

Ուսումնասիրելով ՀՀ ԱՆ կայքը հանդիպում ենք նաև հունիսի 5-ին կատարած հայտարարությանն այն մասին, որ  «Հոգե-ուռուցքաբանության հայկական ասոցիացիայի կողմից իրականացվում է պալեատիվ խնամքի մասին միջազգային գիտաժողով» (30.500 դոլարանոց գիտաժողովը, որը ֆինանսավորվել է Սորոսի կողմից)։

Ասուլիսի ընթացքում խոսեց նաև Նարինե Մովսիսյանը, ով չմոռացավ առաջին հերթին շնորհակալություն հայտնել «ԲՀՀ»-ին։ Մեծ հարգանք տածելով բոլոր բուժաշխատողների նկատմամբ, ամեն դեպքում ցանկանում եմ հիշեցնել, որ պետք չէ գլուխ խոնարհել Ձեզ գումար տված ցանկացած անձի առջև։

Իսկ գումար ստանալու մասին խոսակցությունը նույնպես անհիմն չէ։

2010 թվականին տիկին Մովսիսյանի կողմից ստացած դրամաշնորհը նպատակ ուներ ստեղծել «Անծուխ Հայաստան»։ Ծանոթ կոչ է, չէ՞։

Պարբերաբար հրապարակումներում կանդրադառնանք նշված բոլոր անձանց նորանոր «ձեռքբերումներին»։

Ստացվում է, որ այսօր մեր ՀՀ ԱՆ-ն ղեկավարում է ոչ թե Ա.Թորոսյանը, ոչ թե Ն. Փաշինյանը, այլ Սորոսը։

Նույն Սորոսն իր ներկայացուցիչն ունի Հայաստանում «Գարդասիլ-4» պատվաստանյութի դրամաշնորհային ծրագրի իրականացման գործում։ նույն Սորոսը ֆինանսավորում է «Անծուխ Հայաստանն» ու 3-6 տարեկան երեխաների համար անհայտ երկրում (ասում են` Ադրբեջանում) տպագրված այլասերումներ քարոզող գրքույկը։

Որպես բժիշկ ես շատ լավ գիտեմ, թե ուռուցքով տառապող հիվանդն ինչ ցավեր է ունենում։ Ես ցանկանում եմ, որ մեր երկրում գործի ապահով և մարդակենտրոն առողջապահական համակարգ, որ յուրաքանչյուրի ցավն ամոքելը չլինի այդչափ դժվար։

Բայց, ես գտնում եմ, որ դա պետք է իրականացվի ներպետական ծրագրերով, այլ ոչ թե արտասահմանյան դրամաշնորհային ծրագրերի ու հրահանգների միջոցով։

Ինչպես որ հակածխախոտային պայքարն ունի մեր երկրում թմրամիջոցների օրինականացման գաղտնի նպատակ, այնպես էլ պալիատիվ բժշկության ներդրումն ունի սկզբում թմրամիջոցների օրինականացման, ապա նաև կենդանի դոնորից օրգաններ վերցնելու ծրագրի ներդրման գաղտնի նպատակ։

Ինչպես արդեն խոստացել եմ, բացահայտումների շղթան շարունակվելու է։

«Առողջ Հանրություն» ՀԿ նախագահ,

բժիշկ-նեյրովիրաբույժ՝

Մարինա Խաչատրյան