Դուք մարդկանց վիճակն եք վատթարացնում․ Թանդիլյանը՝ Պողոսյանին (տեսանյութ)

ԱԺ արտահերթ նիստում քննարկվում է կառավարության կողմից ներկայացված ՀՀ հարկային օրենսգրքում փոփոխություններ և լրացումներ կատարելու և 2018 թվականի հունիսի 21-ի ՀՀ հարկային օրենսգրքում փոփոխություններ և լրացումներ կատարելու և 2017 թվականի դեկտեմբերի 21-ի հարկային օրենսգրքում փոփոխություններ կատարելու մասին ՀՕ 266 ն օրենքում փոփոխություններ և լրացումներ կատարելու և կից ներկայացված օրենքների փաթեթը առաջին ընթերցմամբ ընդունելու հարցը։ Հիմնական զեկուցողը Ֆինանսների նախարարի տեղակալ Արման Պողոսյանն է։ Հարցի առնչությամբ «Լուսավոր Հայաստան» խմբակցության պատգամավոր  Մանե Թանդիլյանը Պողոսյանին հտևյալ հարցն ուղղեց։

«Դուք, տանելով դեպի անուղղակի հարկում, մարդկանց վիճակն եք վատթարացնում ու հատկապես նրանց, ում եկամուտը չի ավելանում այս ուղղությամբ։ Հարկման արդարացիությունը պետք է գա հարստությունը հարկելու գաղափարից։  Այս առնչությամբ ուզում եմ հետաքրքվել՝ ինչ ընթացքի մեջ է գտնվում գույքահարկի բազայի փոփոխությունը և արդյո՞ք դիտարկում եք ընդհանրապես հարստությունը հարկելու մոտեցումը, շքեղ առանձնատների, շքեղ ավտոմեքենաների հարկումը»։ 

Մանրամասները՝ տեսանյութում։