Մենք ո՞ւմ ենք համարում հարուստ․ Բաբկեն Թունյան (տեսանյութ)

ՀՀ կառավարությունը Հարկային օրենսգրքի փոփոխությունների փաթեթով առաջարկում է հնգաստիճան հարկային համակարգի փոխարեն ունենալ երեքը: Ինքնազբաղված անձանց և ընտանեկան ձեռնարկատիրության սուբյեկտների հարկման համակարգերի փոխարեն կներդրվի մեկ միասնական միկրոձեռնարկատիրության հարկման համակարգ: Փոփոխությունների փաթեթը  քննարկվում է ԱԺ հունիսի 7-ի արտահերթ նիստում։

Հարցի առնչությամբ իր ելույթում «Իմ քայլը» խմբակցության պատգամավոր Բաբկեն Թունյանն ասաց․ «Փորձ է արվում ներկայացնել, որ այս նախագծով կառավարությունը փորձում է հարուստներին օգնել՝ ի վնաս աղքատների, բայց, եկեք էն հարցին պատասխանենք, թե մենք ո՞ւմ ենք համարում  հարուստ։ Եթե մենք հարուստ համարում ենք բարձր աշխատավարձ ստացողներին, եկեք դիտարկենք, տեսնենք՝ էն մարդիկ, ովքեր դե յուրե աշխատավարձ չեն ստանում, բայց եկամուտներ ունեն հանձնված անշարժ գույքից, իրենք ինչքա՞ն են հարկվում։ Պետք է տարանջատենք՝ ովքեր են հարուստները և ինչ պետք է հարկենք։ Կառավարությունն այդ խնդիրը պատրաստվում է լուծել գույքահարկի միջոցով»։

Մանրամասները՝ տեսանյութում։