Բաքվում Ինտերպոլի կողմից որոնվող քրեական հեղինակություն է սպանվել

Բաքվում այսօր զինված հարձակում է տեղի ունեցել, որի հետևանքով սպանվել է Ինտերպոլի կողմից որոնվող քրեական հեղինակություն 43-ամյա Մուբարիզ Բուդաղլին։ Այս մասին գրում է Baku.ws պորտալը, վկայակոչելով ականատեսներին։ Ականատեսների խոսքով՝ «Մերսեդեսին» հետևող երկու այլ մեքենաներ փակել են նրա ճանապարհը, որից հետո  մեքենաներից մեկից դուրս է եկել անհայտ մարդ, որը մի քանի անգամ հրազենից  կրակել է «Մերսեդեսում» գտնվող մարդկանց վրա:

Գլխին արձակված կրակոցի հետևանքով Մերսեդեսում գտնվողներից մեկը տեղում մահացել է, մյուսը ծանր վիճակով տեղափոխվել է հիվանդանոց:  Սպանության կասկածանքով ձերբակալվել են  Ջալալով Տալեխ Իբրահիմօղլուն և Հուսեյնով Սախավատ Օրուջօղլուն։