Գազալցականներին ու բենզալցակայաններին մի քանի օր առաջ չզգուշացնել ստուգումների մասին․ Աղաջանյանի առաջարկը (տեսանյութ)
ՏեսանյութերԱյսօր կառավարության նիստում քննարկման ներկայացվեց «ՀՀ-ում ստուգումների կազմակերպման և անցկացման մասին» օրենքում փոփոխություններ և լրացումներ կատարելու մասին օրենքի նախագիծը։ Հիմնական զեկուցողը ՀՀ վարչապետի աշխատակազմի ղեկավար Էդուարդ Աղաջանյանն էր։
«Առաջարկվում է վերացնել գործող օրենսդրությամբ չափագիտական վերահսկողություն իրականացնելու համար ստուգումը սկսելուց առնվազն 3 աշխատանքային օր առաջ տնտեսվարող սուբյեկտին տեղեկացնելու մասին սահմանված պահանջը՝ հաշվի առնելով, որ տնտեսվարող սուբյեկտները, նախապես տեղեկանալով ստուգման մասին, սահմանված նորմերին չափագիտական վերահսկողության ենթակա օբյեկտների թերությունները վերացնում են և պահանջվող նորմերին համապատասխանեցնում են միայն տվյալ օրը»,- ասաց Աղաջանյանը:
Նա հիշեցրեց, որ շուկայի վերահսկողության տեսչական մարմինը պարբերաբար ահազանգեր է ստանում բենզալցակայաններում ու գազալցակայաններում թերլցումների վերաբերյալ, և փաստացի՝ գործող կարգավորումները, մասնավորապես, այդ եռօրյա պահանջը գործնականում անհնարին են դարձնում բացահայտել և արձանագրել խախտումները։
«Առաջարկվող նախագծով այդ խոչընդոտները կվերացվեն»,-ասաց Աղաջանյանը։
Մանրամասները՝ տեսանյութում։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
