Ներկայացնեմ մի դրվագ դատավոր Գրիգորյանի ու իմ միջև տեղի ունեցած զրույցից. Հակոբ Կարապետյան
Բլոգոսֆերա
Երևանի քաղաքապետի մամուլի քարտուղար Հակոբ Կարապետյանը ֆեյսբուքյան իր էջում գրում է.
«Մեր երկրի առողջացման, ավելին, նոր որակի երկիր ունենալու ցայտուն ցուցիչներից մեկը Վահե Գրիգորյանի ընտրությունն է ՍԴ դատավորի պաշտոնում:
Ներկայացնեմ մի դրվագ դատավոր Գրիգորյանի ու իմ միջեւ երկու տարի առաջ տեղի ունեցած զրույցից.
Ի շարս այլոց, մենք խոսում էինք դատավորի, մասնավորապես՝ ՍԴ դատավորների անկախության մասին: Քննարկում էինք 2008-ի մարտին ՍԴ դատավորի նկատմամբ ճնշման հայտնի դեպքը: Պարոն Գրիգորյանն ասաց, որ դատավորը անարդարացի վճիռ կայացնելիս ոչ մի արդարացում չի կարող բերել, թե իբր ենթարկվել է ինչ-ինչ ճնշումների, անգամ ֆիզիկական բռնության սպառնալիքի եւ այլն: Որովհետեւ, ասաց, մեր երկրում վարքագծի էտալոն հանդիսացող 18 տարեկան զինվորը, որը մարտական ծառայության է մեկնում փաստորեն ոչ ինքնակամ՝ պետական հարկադրանքի միջոցով, դրա դիմաց չնչին գումար է ստանում կամ չի ստանում, դրա հետ մեկտեղ գիտակցում է իր կյանքին սպառնացող իրական վտանգը ու չի լքում դիրքը (թեկուզ՝ քրեական պատասխանատվության սպառնալիքի տակ): Առավել եւս, ուրեմն, չի կարող եւ չպետք է դասալքի (իր համոզմունքներին դավաճանի) դատավորը՝ հասուն մարդ, որը պաշտոնն ստանձնել է ինքնակամ, դրա դիմաց ստանում է բարձր աշխատավարձ, բազմաթիվ սոցիալական արտոնություններ ու անգամ ֆիզիկական անվտանգության երաշխիքներ:
Էս համեմատությունը մեխվել է գիտակցությանս մեջ, ինձ համար պետություն կառուցելու ամենապինդ շաղախը էս գիտակցությունն է, որը, վերաբերում է ոչ միայն դատավորներին, այլեւ հանրային բոլոր ոլորտների ու օղակների ծառայողներին, ու էդ շաղախը, վստահ եմ, շատանալու ու պնդանալու է մեզանում, անկախ ամեն ինչից:
Շնորհավորում եմ մեզ բոլորիս՝ այսօրվա ընտրության կապակցությամբ»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
