Լարվածությունը խորանում է. Գայանե Աբրահամյանի հաղորդման հիման վրա հարցաքննվել է Աննա Օհանյանը

Էկոնոմիկայի նախարարի մամուլի խոսնակ Աննա Օհանյանը ներգրավված է ԱԺ «Իմ քայլը» խմբակցության պատգամավոր Գայանե Աբրահամյանի բողոքի հիման վրա հարուցված քրեական գործում և հարցաքննվել է վկայի կարգավիճակով: Տեղեկությունը ԼՈՒՐԵՐ․com-ի հետ զրույցում հաստատեց Էկոնոմիակայի նախարարի մամուլի խոսնակ Աննա Օհանյանը։

Վերջինս նախաքննական գաղտնիքից ելնելով՝ հրաժարվեց այլ մանրամասներ հայտնել:

Նշենք, որ Գայանե Աբրահամյանը 2019 թ. հունիսի 26-ին իր ֆեյսբուքյան էջում գրառում էր կատարել՝ բացահայտելով, թե ով է իր հասցեին «Ֆեյսբուք» սոցիալական ցանցում սպանության սպառնալիքով գրառումներ կատարած ՖԲ օգտատեր Ռոբերտ Ավագյանը։ Այս առիթով պատգամավորը դիմել էր ոստիկանություն։

Հունիսի 25-ին պարզվեց, որ Գայանե Աբրահամյանի հաղորդման հիման վրա քրեական գործ է հարուցվել, որի շրջանակում վկայի կարգավիճակով հարցաքննության է հրավիրվել «Ադեկվադ» ՀԿ-ի ղեկավար Արթուր Դանիելյանը, ով հարցաքննություննից հետո ֆեյսբուքյան տեսաուղերձով հայտնել էր դրա մասին։ Նշենք, որ գործի շրջանակում հարցաքննվել են նաև այլ անձինք:

Ի դեպ, թեև դեռևս հայտնի չէ, թե ինչ առնչություն կարող է ունենալ Էկոնոմիկայի մամուլի խոսնակը տվյալ դեպքի հետ, սակայն վերհիշելով որոշ ժամանակ առաջ պատգամավորի կողմից նրա հասցեին հնչեցրած արտահայտությունները, կարելի է ենթադրել, թե որտեղից է գալիս լարվածությունը։