ՀՀ ԱԻ նախարար Ցոլակյանը քաղաքացիների ընդունելություն է անցկացրել
Քաղաքական
ՀՀ արտակարգ իրավիճակների նախարար Ֆելիքս Ցոլակյանի մոտ հունիսի 28-ին կազմակերպվել է քաղաքացիների ընդունելություն:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, այս անգամ քաղաքացիներն առավելապես եկել են առաջարկներով: Մասնավորապես՝ Ստյոպա Խոյեցյանն առաջարկել է ստեղծել ջրհեղեղի և սողանքների կասեցմանը նպաստող՝ իր մտահղացած մեքենան, որը կարող է կիրառվել բնապահպանական, գյուղատնտեսական խնդիրներ լուծելու հարցում, նաև՝ հրդեհների ժամանակ:
Հայաստանի կասկադյորների ազգային ասոցիացիայի նախագահ Արմեն Պետրոսյանն առաջարկել է լայն համագործակցություն ԱԻՆ-ի հետ և պատրաստակամություն՝ առավել վտանգավոր իրավիճակներում օգտագործելու իրենց ասոցիացիայի ներուժը:
«Արկադի Զարգարյանը Ֆելիքս Ցոլակյանին ներկայացրեց բազմաֆունկցիոնալ առաջարկություններ, որոնք վերաբերում էին տարբեր գերատեսչությունների գործառույթների:
Նախարարը համակողմանիորեն ծանոթացավ քաղաքացիների բարձրացրած հարցերին, շնորհակալություն հայտնեց սրտացավ վերաբերմունքի և օգտակար լինելու ձգտման համար և խոստացավ փորձագիտական դրական եզրակացությունների պարագայում՝ լուծում տալ բարձրացված հարցերին կամ առաջարկներն ուղարկել ըստ պատկանելիության»,- նշված է հաղորդագրության մեջ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
