Ցույց տվեցինք, որ նույնիսկ 10 հոգով կարելի է խաղալ Իտալիայի դեմ. Մխիթարյան

Հայաստանի ազգային ընտրանու ավագ Հենրիխ Մխիթարյանը անդրադարձել է Եվրո 2020-ի ընտրական փուլի Հայաստան-Իտալիա խաղին:

Հիշեցնենք, որ այդ խաղում մեր ընտրանին մրցակցին զիջել է 1:3 հաշվով:

«Լավ սկսեցինք  հանդիպումը, ագրեսիվ էինք շատ և գոլ խփեցինք: Գոլից հետո մի փոքր հետ քաշվեցինք՝ չգիտես՝ ինչու: Հետո գոլ բաց թողեցինք, կարմիր քարտը խանգարեց, բայց կարծում եմ` երկրորդ խաղակեսում տղաները մինչև վերջ պայքարեցին: Ցույց տվեցինք, որ նույնիսկ 10 հոգով կարելի է խաղալ Իտալիայի դեմ»,- նշեց Մխիթարյանը:

Խոսելով «Ռոմա» տեղափոխության մասին ֆուտբոլիստն ասել է.

«Արսենալ»-ում մարզչի փոփոխությունը իր դերն ունեցավ: «Արսենալ» էի տեղափոխվել Վենգերի ցանկությամբ: Երևի իմ խաղային փիլիսոփայությունը չէր համընկնում Էմերիի փիլիսոփայությանը: ֆուտբոլ է, ամեն ինչ էլ պատահում է: Կարևորը, որ ես երազանքիս հասել եմ, միշտ ցանկացել եմ Անգլիայում խաղալ և երազանքս իրականացրել եմ: Հիմա արդեն տրամադրվելու եմ «Ռոմա»-ի հանդիպումներին, ուրախ եմ, որ այնտեղ եմ խաղալու»: