Բիլլի Այլիշը հինգ «Գրեմմի» է ստացել

18-ամյա երգչուհի Բիլլի Այլիշը հինգ «Գրեմմի» է ստացել, այդ թվում՝ այսպես կոչված «մեծ քառյակը»՝ տարվա երգի եւ տարվա ձայնագրության ("Bad guy"), տարվա ալբոմի եւ տարվա լավագույն փոփ-ալբոմի ("When We All Fall Asleep, Where Do We Go?") համար եւ որպես լավագույն սկսնակ արտիստ:

Նախորդ անգամ 1981 թվականին նման հաղթանակի էր կարողացել հասնել Քրիստոֆեր Քրոսը: Բացի այդ, Այլիշը դարձել է «Գրեմմի»-ի ամենաերիտասարդ դափնեկիրը՝ գերազանցելով այն ռեկորդը, որը 2010 թվականին սահմանել էր Թեյլոր Սվիֆթը: Այլիշի եղբայրը՝ Ֆինեաս Օ՛Քոննելը, նույն այդ արարողությանը տարվա պրոդյուսեր է ճանաչվել քրոջ ալբոմի վրա կատարած աշխատանքի համար: Լավագույն սոլո փոփ-կատարող է ճանաչվել Lizzo-ն՝ "Truth Hurts" կոմպոզիցիայով:

Լավագույն ռոք-կոմպոզիցիա է դարձել Գերի Կլարք-կրտսերի "This Land"-ը: «Լավագույն տեսահոլովակ» է դարձել ամերիկացի ռեփեր Lil Nas X-ի եւ քանթրի կատարող Ռեյ Բիլլի Սայրուսի հոլովակը "Old Town Road"-ի համար: «Խոսակցական ժանրի լավագույն ալբոմ» անվանակարգում հաղթել է Միշել Օբաման՝ ««Կայացում» վերտառությամբ հուշագրությունների համար, որոնք ներկայայացվել են նաեւ աուդիոկրիչներով: Լավագույն ռեփ-կոմպոզիցիա է դարձել "A Lot"-ը, որը ձայնագրել են 21 Savage-ը եւ J. Cole-ը: "I՚ll newer live again" կոմպոզիցիան, որը գրվել է «Աստղ է ծնվել» ֆիլմի համար, ճանաչվել է լավագույն սաունդթրեքը: «Գրեմմի»-ի 62-րդ մրցանակաբաշխությունը տեղի է ունեցել հունվարի 26-ին Լոս Անջելեսում, հաղորդել է «Ինտերֆաքս»-ը:

Այս թեմայով «Գրեմմի» մրցանակաբաշխության ժամանակ ձերբակալվել է ռեփեր Killer Mike-ը Մայլի Սայրուսը «Գրեմմի» մրցանակաբաշխությանը ներկայացել է առանց ներքնազգեստի (լուսանկարներ) Հայաստան է ժամանելու համաշխարհային ճանաչում ունեցող DJ Black Coffee-ին Հայտնի են «Գրեմմի» մրցանակակիրները. Բեյոնսեն ռեկորդ է սահմանել Դրեյքը և The Weeknd-ը կրկին բոյկոտում են «Գրեմմի» մրցանակաբաշխությունը