Գվարդիոլան անհնարին է համարում «Լիվերպուլ»-ին հասնելը

«Մանչեսթեր Սիթի»-ի գլխավոր մարզիչ Պեպ Գվարդիոլան վստահ է, որ Անգլիայի չեմպիոնության համար ընթացող մրցավազքն ավարտված է:

Պրեմիեր լիգայի 25-րդ տուրից հետո, երբ «Մանչեսթեր Սիթի»-ն պարտվեց «Տոտենհեմ»-ին, Գվարդիոլան փաստեց, որ մրցաշարային աղյուսակում «Լիվերպուլ»-ին հասնելն արդեն իսկ անհնարին կլինի: «Մենք բավականին ետ ենք մնացել «Լիվերպուլ»-ից : Նրանք շատ միավորներ ունեն, իսկ մենք դրանք կորցնում ենք ամեն խաղից հետո»,-ասել է Գվարդիոլան:

Անգլիայի առաջնության 25-րդ տուրից հետո «Լիվերպուլ»-ն ունի 73 միավոր, իսկ «Մանչեսթեր Սիթի»-ն 51 միավորով երկրորդն է: 49 միավորով եռյակը եզրափակում է «Լեսթեր»-ը: