«Ուրարտու»-ի հարձակվողը հեռացել է ակումբից

Երևանի «Ուրարտու» ֆուտբոլային ակումբի հարձակվող Եվգեն Բուդնիկը հեռացել է թիմից:

Այս մասին հայտնում է ակումբի մամուլի ծառայությունը: «Ուրարտու» ֆուտբոլային ակումբը և Եվգեն Բուդնիկը երկկողմ համաձայնությամբ խզել են աշխատանքային պայմանագիրը:  Եվգեն Բուդնիկն «Ուրարտու» էր տեղափոխվել 2019-ի սեպտեմբերին: Ակումբի կազմում նա անցկացրել է 11 հանդիպում ու դարձել 4 գոլի հեղինակ: 

Հայաստանի ֆուտբոլի առաջնությունը կվերսկսվի փետրվարի 28-ին: Այժմ բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն է, «Նոա»-ն ունի 24 միավոր: «Փյունիկ»-ն իր ակտիվում ունի 20, «Ուրարտու»-ն` 17, «Գանձասար-Կապան»-ը` 14 միավոր: Միավոր չունի «Երևան»-ը: