Սերբիայում խորովել են 20 հազար եվրո կերած այծին

Բելգրադից 80 կմ հեռավորության վրա գտնվող Ռանիլովիչ գյուղում այծը կերել է 20 հազար եվրո գումարը, որը նրա տերերը հավաքել էին հողակտոր գնելու համար:

Ինչպես հայտնում է Аргументы и Факты-ն, ընտանիքի հայրը՝ Սիմիչը, պատրաստվելիս է եղել հանդիպել հողը վաճառողի հետ, ումից ցանկացել է գնել 10 հա հողակտոր:

20 հազար եվրո գումարը հաշվելով՝ նա փողը դրել է սեղանի վրա և գնացել գոմ՝ անասուններին կերակրելու:

Տղամարդը չի նկատել, որ բաց է թողել տան դուռը: Բելկա անունով այծը մտել է տուն և, տեսնելով, որ ոչ ոք չկա, կերել է սեղանի վրա դրված փողը:

Վշտացած Սիմիչը մորթել է այծին և կերել է նրան ընտանիքի հետ միասին:

Հավանաբար, դա եղել է ամենաթանկարժեք խորովածը, որ երբևէ կերել է նրանց ընտանիքը: