Աժ խորհրդի նիստը կրկին հետաձգվեց (տեսանյութ)

Աժ խորհրդի նիստը կրկին հետաձգվեց: Նշենք, որ այս նիստով պետք է հաստատեին վաղվա` Աժ արտահերթ լիագումար նիստի օրակարգը: «Իմ քայլը» խմբակցության պատգամավոր Ալեն Սիմոնյանն ասաց, որ օրակարգում նոր կետ ավելացնելու համար են հետաձգել: «Հնարավոր է այսօր ավելի ուշ կայանա նիստը, վաղն էլ արտահերթ նիստը կկայանա կարծում եմ»,- ասաց Սիմոնյանը:

Հիշեցնենք, որ արտահերթ նիստով «Իմ քայլը» խմբակցությունը նպատակ ունի ընդունել հետևյալ օրենքները. «Ազգային ժողովի կանոնակարգ» սահմանադրական օրենքում լրացումներ և փոփոխություններ կատարելու մասին», «Հանրաքվեի մասին» սահմանադրական օրենքում լրացումներ և փոփոխություններ կատարելու մասին» և «Սահմանադրական դատարանի մասին» սահմանադրական օրենքում լրացումներ և փոփոխություններ կատարելու մասին» օրենքների նախագծերի փաթեթը առաջին և երկրորդ ընթերցմամբ քննարկելու մասին հարցերը 2020 թվականի փետրվարի 6-ին գումարվող արտահերթ նիստի օրակարգ ընդգրկելը: Դրանք նախատեսում են. մինչև Սահմանադրության փոփոխությունների ընդունումն Ազգային ժողովի կողմից Սահմանադրական դատարան դիմելը՝ նախագծի սահմանադրականությունը որոշելու նպատակով դարձնել ոչ պարտադիր, նույնը՝ հանրաքվեի դրվող Սահմանադրության փոփոխությունների մասով նախատեսվում է նաև ուժը կորցրած ճանաչել Ազգային ժողովի ընդունած Սահմանադրական փոփոխությունները Հանրապետության նախագահին ուղարկելու մասին դրույթը նաև Ազգային ժողովի նախագահին վերապահել այդ փոփոխությունները հրապարակելու գործառույթը Սահմանադրական դատարանի դատավորների ընտրությունն անցկացնել Ազգային ժողովի ոչ միայն հերթական, այլ նաև արտահերթ նիստերի ընթացքում։