ԱԺ արտահերթ նիստը դեռ չսկսված ավարտվեց (տեսանյութ)

Այսօր՝ փետրվարի 6-ին, ԱԺ արտահերթ նիստ հրավիրել, որի օրակարգում  ԱԺ կանոնակարգ սահմանադրական օրենքում փոփոխություններ անելու նախագիծն է, սակայն ԱԺ նախագահ Արարատ Միրզոյանն ասաց, որ ԱԺ կանոնակարգ սահմանադրական օրենքի 68-րդ հոդվածի 1-ին մասի 7-րդ կետի համաձայն նախաձեռնողն այսօր առավոտյան հետ է կանչել արտահերթ նիստի օրակարգում ընդգրկված նախագծերը։

«Հաշվի առնելով այն հանգամանքը, որ  նիստի օրակարգում այլևս հարց չի մնացել, նիստը համարվում է  փակված։ Ըստ երևույթին՝ ինչ-որ տեխնիկական խնդիրների պատճառով է նախագծերը հետ կանչվել։ Այսօր առավոտյան նախաձեռնողը նոր, համանման, ըստ երևույթին ոչ բովանդակային փոփոխություններով օրենքի նախագիծ է դրել շրջանառության մեջ և «Իմ քայլը» խմբակցությունը միջնորդել է կրկին հրավիրել Ազգային Ժողովի խորհրդի արտահերթ նիստ, մենք 1 ժամից կունենանք խորհրդի արտահերթ նիստ, որտեղ քննարկելու ենք այսօր գումարել ԱԺ արտահերթ նիստ»,-ասաց Միրզոյանը։

Միրզոյանը պատգամավորներին խնդրեց մնալ ԱԺ շենքում։