Ինձ անկեղծ ասած չի հետաքրքրում, թե ինչ է կատարվում խորհրդարանում. Հրայր Թովմասյան (տեսանյութ)

Ինձ անկեղծ ասած չի հետաքրքրում, թե ինչ է կատարվում խորհրդարանում: Այս մասին Ազատության հետ զրույցում հայտարարել է Սահմանադրական դատարանի նախագահ Հրայր Թովմասյանը:

Դիտարկմանը, որ հարցը վերաբերում է իր լիազորությունների դադարեցմանը, Թովմասյանն ասաց. «Իսկ ո՞վ ասաց, որ իմ լիազորություններն այդքան կարևոր են ինձ համար»:

Հարցին, թե հիմա ինչպես է պայքարելու, Թովմասյանը պատասխանել է. «Իսկ իմ քայլերում որտե՞ղ նահանջ տեսաք»:

ՍԴ դատավոր Արևիկ Պետրոսյանն իր հերթին ասաց, որ ԱԺ-ն քաղաքական մարմին է, կատարում է իր քաղաքական քայլը:

Հարցին, թե ինչպես է ինքը գնահատում, Պետրոսյանն ասաց, որ գնահատելու և կարծիք հայտնելու լիազորություն չունի:

Ալվինա Գյուլումյանն իր հերթին նշեց, որ ԱԺ-ն քաղաքական մարմին է, քաղաքական որոշում է կայացնում. «Ես քաղաքական զսպվածություն և չեզոքություն պետք է պահպանեմ»:

Տիկին Գյուլումյանը նաև ասաց, որ ՍԴ-ում ճգնաժամ չկա:

Աղբյուրը՝ Ազատություն