Բացահայտ խախտումներ Ադրբեջանի խորհրդարանական ընտրություններից (լուսանկարներ, տեսանյութ)

Տարոն Հովհաննիսյանը իր ֆեյսբուքյան էջում գրել է.

«Դու լավ մարդու տղա ես. գնա, հացիս վայիս մի եղիր ... դու էստեղ լինես էլ, չլինես էլ՝ ընտրվողը մեկ է ընտրվել է արդեն». Թուրալ Գյանջալիևն ընտրվել է բազմաթիվ ընտրախախտումներով՝ ամենափոքր ընտրատարածքից:

Ըստ Ադրբեջանի կենտրոնական ընտրական հանձնաժողովի տվյալների՝ Թուրալ Գյանջալիևն ընտրվել է 56.7 % ձայներով՝ «Խանքենդի» (Ստեփանակերտի ադրբեջանական անվանումը) կոչվող վիրտուալ ընտրատարածքից: Ընտրատարածքն ունեցել է հանրապետությունով մեկ ցրված 13 ընտրատեղամաս: Ըստ պաշտոնական տվյալների՝ այդտեղ գրանցված է 5006 ընտրող (իրականում ավելի քիչ են):

Ըստ այդ արդյունքների՝ Թ. Գյանջալիևն «ընտրվել է» 1596 ձայնով (56,7 %): Նրա հիմնական հակառակորդներից մեկը՝ Հաշիմով Էլբրուսը, հավաքել է 303 ձայն: Մյուս հավակնորդներից ադրբեջանական «Խազար» հեռուստաընկերության՝ «Ղարաբաղի թղթակից» Ադըգյոզալով Շամխալը հավաքել է 227 ձայն, Սամադով Սաբուհի անվամբ թեկնածուն՝ 226 ձայն: Մյուսները մի քիչ ավելի թիչ: Ընդհանուր 9 թեկնածու է եղել: Էսպես ասեմ՝ մեր համայնքապետն ավելի շատ ձայն ա հավաքել. մի գյուղապետի տեղ հա:

Ու էսքանի միջից բազմաթիվ արձանագրված ընտրախախտումներ, որոնք ներկայացնում եմ հերթով.

երեկ ժամը 15:00-ի դրությամբ Ադրբեջանի ԿԸՀ կայքը հայտնել է 2167 անձի քվեարկության մասնակցելու մասին: Թուրալի հակառակորդ թեկնածուներից Շամխալ Ադիգյոզալովն ասում է, որ ավելի երկու ժամ անց՝ ժամը 17:30-ի հատվածում, իրենց դիտորդները բոլոր 13 ընտրատեղամասում հաշվառել են 1650 ընտրողի մասնակցություն, ինչը հաստատվել է նաև տեղերում ընտրատեղամասերի նախագահների տված տվյալների հետ:

Որոշ ընտրատեղամասերում Թուրալի հակառակորդ թեկնածուների ներկայացուցիչներին սպառնացել են ոստիկանությամբ, ոստիկանություն կանչել, խոչընդոտել նրանց աշխատանքին:

Սումգայիթում տեղակայված 5-րդ ընտրատեղամասում կանխվել է Սումգայիթի և Լերիկի շրջանի այլ՝ «ոչ փախստական» ընտրողների մասնակցությունը: Որտեղ չի կանխվել, որքան են լցոնել՝ չգիտենք:

Քվեախցիկներում արձանագրել են երկու անձով քվեարկելու դեպքեր:

Քվեաթերթիկները հաշվելու ընթացքում քվեատուփը տարել են այլ փակ սենյակ, արդյունքները տեղում չեն ասել հետո:

Կան բազմաթիվ այլ խախտումներ, սքրինշոթները տեղադրում եմ, բայց էս մեկը շատ լավն ա. Թուրալի հակառակորդներից մեկի վստահված անձին ընտրատեղամասի ղեկավարն ասել ա. «Դու լավ մարդու տղա ես. գնա, հացիս վայիս մի եղիր ... դու էստեղ լինես էլ, չլինես էլ՝ ընտրվողը մեկ է ընտրվել է արդեն»:

Այսպիսով ընտրությունները ցույց տվեցին, որ Թուրալի գործերն այդքան էլ լավ չեն «ղարաբաղցիների» շրջանում: Առաջադրվել է ամենափոքր ընտրատարածքից, ոչ թե ասենք մյուս ընտրատարածքներից, որտեղ 30-40 հազար գրանցված ընտրողներ կան (ըստ ցուցակի): Բայց անգամ այդտեղ «ընտրվել» ա բազմաթիվ խախտումներով՝ մի կերպ հավաքելով (բառիս բուն իմաստով) 1596 ձայն: Էս ձայները հավաքած մարդը ամոթ էլ ա որ էլի ասի «ես Ղարաբաղի ադրբեջանցիների առաջնորդն եմ», կամ էլ իրա 1596-ին կարա վերցնի գա, եթե էդ թվի մի մասը մահացած չեն, մի մասը ուրիշ տեղերից հավաքագրված, իսկ կեսը՝ ընտրատեղամասերի ղեկավարների դարակներից հանված թղթեր:

Այս թեմայով Ադրբեջանի ՊՆ հերթական ապատեղեկատվությունը․ ՀՀ ԶՈւ-ն կրակ չի բացել Կարևորվել է Ադրբեջանի հետ խաղաղության պայմանագրի՝ առանց արհեստական խոչընդոտների ստեղծման ու ձգձգման կնքումը Վեհափառը կոչ է արել միջազգային հանրությանն ու քույր եկեղեցիներին քայլեր ձեռնարկել՝ զսպելու Ադրբեջանին Ադրբեջանը հերթական նախապայմանն է իջեցնում. Տիգրան Աբրահամյան «Փաստ». Փոխանակ Հայաստանը պահանջի, դեռ մի բան էլ Ադրբեջանն է փոխհատուցման հարց բարձրացնում