Արցախում գրանցման համար փաստաթղթեր են ներկայացրել նախագահի վեց թեկնածուներ

Արցախի կենտրոնական ընտրական հանձնաժողովը նոր տվյալներ է հրապարակել նախագահական ընտրություններին մասնակցող թեկնածուների փաստաթղթերի ներկայացման վերաբերյալ:

«2020թ. փետրվարի 12-ի ժամը 17։00-ի դրությամբ ս.թ. մարտի 31-ին անցկացվելիք համապետական ընտրություններին մասնակցելու համար ԱՀ կենտրոնական ընտրական հանձնաժողովն ստացել է Արցախի Հանրապետության նախագահի վեց թեկնածուների գրանցման փաստաթղթեր:

Իսկ Ազգային ժողովի ընտրություններին մասնակցելու համար ընտրական ցուցակ է ներկայացրել միայն Արցախի Պահպանողական կուսակցությունը` 16 թեկնածուների ընդգրկմամբ»,- տեղեկացնում են Արցախի ԿԸՀ-ից: