Թուրքիան իր հատուկջոկատայիններին ուղարկել է Սիրիայի Իդլիբի շրջան (տեսանյութ)

Թուրքիայի տարբեր մասերից զրահափոխադրիչները հատուկ նշանակության զորքերի հետ Իդլիբ են մեկնել Հաթայ նահանգի Ռեյհանլըի տարածքով:

Թուրքիայի զինված ուժերի հրամանատարական կազմը նաև հրթիռային ռեակտիվ համակարգեր է տեղակայել Սիրիայի հետ սահմանին:

Ինչպես ավելի վաղ տեղեկացրել էր Tert.am-ը, փետրվարի 12-ին Թուրքիայի նախագահ Ռեջեփ Թայիփ Էրդողանը սպառնացել է հարձակումներ իրականացնել Սիրիայի կառավարական զորքերի նկատմամբ նույնիսկ Իդլիբի «անվտանգության գոտուց» դուրս ընկած տարածքում, եթե սիրիական զորքերը շարունակեն հարձակումներ գործել Իդլիբում: