Իռլանդիայի ափերին «ուրվական-նավ» են նկատել
ԱյլԻռլանդիայի Կորկ կոմսության ափերին 77 մետրանոց բեռնատար MV Alta նավն են նկատել՝ Տանզանիայի դրոշով: Այս մասին հայտնում է Irishexaminer-ը:
Նավի վրա անձնակազմ չի եղել: Առափնյա պահպանության ներկայացուցիչը ենթադրել է, որ նավն ափին է մոտեցել «Դենիս» փոթորիկի պատճառով:
Պաբերականի հաղորդմամբ՝ այդ ուրվական-նավը վերջին անգամ տեսել են Աֆրիկայի ափերին, կես տարի առաջ: Իսկ 2018-ին այն անցնելիս է եղել Բերմուդյան կղզիներից հարավ-արևելքով:
Այն ժամանակ նշվում էր, որ նավը, հավանաբար, շարքից դուրս է եկել, իսկ անձնակազմին փրկել են: